Ixxerja

Vanni Pule fi tmiem il-ġimgħa ċċelebra mument tassew speċjali fil-ħajja tiegħu u ta' martu Marianne, hekk kif is-Sibt iċċelebraw il-50 anniversarju taż-żwieġ tagħhom. F'post mimli emozzjoni fuq il-midja soċjali, Vanni ħares lura lejn il-vjaġġ twil li qasmu flimkien, u ddeskriva ħamsin sena ta' esperjenzi, sfidi u mumenti sbieħ li sawru r-relazzjoni tagħhom.

"50 sena ta' avventuri, tlugħ u nżul, nuqqas ta' qbil u ġranet li jibqgħu mnaqqxa fil-memorja, ħbiberija u mħabba mħallta ma' żbalji u mumenti mill-isbaħ," kiteb Vanni. Huwa fakkar ukoll fil-ħafna vjaġġi li għamlu flimkien matul is-snin, filwaqt li esprima l-kburija tiegħu għall-familja li bnew. Il-koppja għandha żewġt itfal, kif ukoll erba' neputijiet.

B'sens ta' gratitudni, Vanni rrimarka li hu u Marianne ilhom 50 sena miżżewġin u ħames snin oħra kienu ilhom jafu lil xulxin qabel iżżewġu. "Ninsabu tassew fortunati!" temm jgħid, b'messaġġ li jirrifletti kemm japprezza l-ħajja li bnew flimkien tul dawn il-ħafna snin.

Minn naħa tagħna, ningħaqdu mal-awguri lil Vanni u Marianne f'din l-okkażjoni mill-isbaħ, u nawgurawlhom ħafna aktar snin ta' saħħa, hena u mumenti sbieħ flimkien.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

“Jalla L-Mulej Jibqa’ Jħares Fuqek Fil-Mixja Ta’ Ħajtek, Għax Ma Aħna Xejn Mingħajrek.” – Lawrence Gray Lil Missieru…

Kyle Zarb Illum

Il-kantant lokali Lawrence Gray qasam messaġġ mill-qalb biex jawgura għeluq snin hieni lil missieru, b’kelmtejn li juru l-imħabba u r-rispett kbir li għandu lejh.Fil-messaġġ tiegħu, Lawrence ddeskriva lil missieru bħala ispirazzjoni ta’ kuraġġ, qalb kbira u mħabba bla kundizzjonijiet. Huwa rringrazzjah tal-appoġġ u l-preżenza tiegħu.“Jalla l-Mulej jibqa’ jħares fuqek fil-mixja ta’ ħajtek, għax ma aħna […]