Il-partitarji li kienu qed jistennew biex jaraw lil Lionel Richie f'Malta f'Awwissu li ġej se jkollhom jistennew ftit aktar. L-organizzaturi ħabbru li l-kunċert, li oriġinarjament kien skedat għat-18 ta' Awwissu 2026, ġie pospost għal data ġdida matul l-2027 minħabba ċirkostanzi mhux mistennija li kienu lil hinn mill-kontroll tagħhom. Id-data l-ġdida tal-kunċert se titħabbar sal-31 ta' Ottubru 2026.
Id-detenturi kollha tal-biljetti diġà rċevew email bl-istruzzjonijiet dwar kif jistgħu jitolbu rifużjoni. Kull min qed isib diffikultà bil-formola tar-rifużjoni huwa mitlub jikkuntattja lill-organizzaturi permezz tal-indirizz elettroniku [email protected]. Dawk li jagħżlu li ma jitolbux rifużjoni se jkollhom il-biljetti tagħhom trasferiti awtomatikament għad-data l-ġdida tal-kunċert hekk kif din tiġi kkonfermata.
L-organizzaturi skużaw ruħhom tal-inkonvenjent u rringrazzjaw lill-partitarji tal-paċenzja u l-fehim tagħhom, filwaqt li qalu li aktar aġġornamenti se jitħabbru hekk kif ikunu disponibbli.
Facebook / Lionel Ritchie
