Ixxerja

Il-paġna Malta Police Force xerrdet messaġġ tassew ħelu li se jġiegħlek tbissem.

 Intqal li fl-Iskola Primarja tal-Għargħur ġiet organizzata attività speċjali għall-istudenti bl-isem “Dress as Your Parent Day”, fejn it-tfal kellhom jilbsu bħall-ġenituri tagħhom.

Martina, bint l-uffiċjal tal-komunità PC Nathan Ciappara, għażlet li tilbes propju bħal missierha, uffiċjal tal-Pulizija. U jidher li għamlet dan b’ħafna kburija! Wara l-iskola, Martina żaret ukoll l-uffiċċju ta’ missierha, fejn ittieħed ritratt sabiħ tagħhom flimkien.

Il-Pulizija qalet li mumenti bħal dawn ifakkruna kemm dan ix-xogħol jista’ jkun sinifikanti, mhux biss għall-komunità, iżda wkoll għall-ġenerazzjonijiet iż-żgħar li jaraw u jitgħallmu mill-eżempju tal-ġenitur.

Prosit kbira lil Martina għal dan il-ġest tant sabiħ!

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Malta Tressaq Nomina Ġdida Mal-UNESCO Għall-Fortifikazzjonijiet Storiċi Tagħha

Eileen Cumbo Salerno Illum

Malta ppreżentat formalment dossier ġdid lill-UNESCO bl-isem “Il-Fortifikazzjonijiet Maltin tal-Kavallieri ta’ San Ġwann”, bil-għan li diversi siti storiċi madwar Malta u Għawdex jiġu inklużi bħala parti minn Proprjetà tal-Wirt Dinji estiża. In-nomina tinkludi wħud mill-aktar fortifikazzjonijiet importanti fil-pajjiż, fosthom il-Belt Valletta, il-fortifikazzjonijiet tal-Port il-Kbir u ta’ Marsamxett, il-Linji tal-Kottonera u ta’ Santa Margerita, kif ukoll l-Imdina […]