Ilbieraħ kien hemm il-ftuħ tal-binja ta’ skola ġdida tal-Kindergarten ġewwa l-Fgura.
Din l-iskola taqa taħt il—Kulleġġ San Albert il-Kbir, li huwa mmexxi mill-Patrijiet Dumnikani Maltin. L-iskola ġiet miftuħa mill-Majjistru Ġenerali tal-Ordni Dumnikan, il-fra Gerard Francisco Timoner III, mal-Provinċjal patri Viċenz Micallef. Preżenti wkoll għal dan il-ftuħ kien hemm ir-rettur tal-istess kulleġġ, p. Aaron Zahra, is-Surmast Mario Mallia, id-Delegat tal-Arċisqof għall-Edukazzjoni Nisranija Rev. Charles Mallia, l-Assistem Kap tal-Primarja Yasmin Galea u l-Inclusion Co-ordinator is-Sinjura Marissa Deguara.
Ġewwa din il-binja se jkun hemm erba’ klassijiet tal-Kindergarten, fejn tnejn minnhom se jkunu tal-ewwel sena u t-tnejn l-oħra tat-tieni sena.
