Ixxerja

Il-klijenti tal-Bank of Valletta issa jistgħu jikkomunikaw ma’ Bovey, l-assistent virtwali tal-Bank, bil-Malti wkoll. Din il-faċilità ġdida tagħmilha aktar faċli għall-klijenti biex jiksbu l-informazzjoni u l-għajnuna li jeħtieġu fil-lingwa li jippreferu. Bovey jista’ jgħin lill-klijenti jagħmlu appuntamenti, jiksbu informazzjoni dwar prodotti u servizzi bankarji, kif ukoll joffri gwida dwar frodi, ilmenti u diffikultajiet tekniċi.

Matul l-2025, Bovey wieġeb għal aktar minn 40,400 mistoqsija, filwaqt li bejn Jannar u Awwissu 2026 assista f’madwar 25,000 mistoqsija oħra. Daniel Caruana, Lead taċ-Ċentru għas-Servizz tal-Klijent, spjega li l-introduzzjoni tal-Malti hija pass ieħor biex is-servizzi diġitali tal-Bank ikunu aktar aċċessibbli u qrib il-klijenti.

Bovey huwa disponibbli 24 siegħa kuljum permezz tas-sit elettroniku tal-BOV u Facebook Messenger. F’każijiet li jeħtieġu assistenza aktar personali, il-klijenti jistgħu jiġu mgħoddija direttament lil rappreżentant tal-Bank.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Uffiċjali Li Ħadu Sehem F’The Grid Challenge’ Ilbieraħ, U Sfidaw Il-Limiti Tagħhom B’Risq Puttinu Cares”

Kyle Zarb Illum

Uffiċjali minn The Malta Police Force ħadu sehem fl-isfida sportiva The Grid Challenge, li saret ilbieraħ, bil-għan li jinġabru fondi b’risq Puttinu Cares.F’messaġġ ippubblikat fuq il-midja soċjali, il-Malta Police Force faħħret lill-uffiċjali tagħha li ħadu sehem f’din l-inizjattiva, fejn sfidaw il-limiti fiżiċi tagħhom f’isem kawża ġusta.Il-Korp għamel ukoll referenza speċjali għall-kuntistabbli Johann Vella u Chris […]