Ixxerja

Il-kantawtur lokali Philip Vella żgur li m’għandu bżonn ebda introduzzjoni iżda aktar kmieni dalgħodu ħareġ kanzunetta mill-album tiegħu 60+. Kanzunetta personali ferm u differenti minn dawk li mdorrijin naraw lil Philip bihom.

Din id-darba, il-kantawtur qed jagħtina kanzunetta mill-qalb, b’lirika profonda u li żgur tinżel tajjeb għal Jum San Valentinu. Kanzunetta b’dedika speċjali lill-għażiża martu. Philip fuq il-paġna tiegħu kiteb, “Ma niddejjaqx ngħid li Għalfejn Tħobbni Daqshekk? ktibtha għal omm uliedi, għal marti, dik il-persuna li dejjem emmnet fit-talenti tiegħi, li dejjem kienet hemmhekk warajja, anke meta forsi kont qalbi maqtugħa.”

Hu jkompli jżid, ” Inħoss li din hija l-aktar kanzunetta personali li ktibt għalija nnifsi, iżda nittama li intom tistgħu tagħmlu użu minnha biex taqsmu ħsibijietkom mal-għeżież tagħkom.”

Aħna ħa nħallukom tgawdu din il-kanzunetta mill-qalb!

Facebook / Philip Vella

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Wara 3 Snin Jiġġieled Il-Kanċer B’Kuraġġ Ta’ Sur, Illum Ħalla Din Id-Dinja” – Mart Matthew Wismayer

Gwida.mt Illum

Ftit sigħat ilu ħarġet l-aħbar ta’ niket li ħalla din id-dinja Matthew Wismayer li fl-aħħar 3 snin ta’ ħajtu ġġieled b’kuraġġ ta’ sur kontra l-marda tal-kanċer. Matul ħajtu, Matthew serva bħala d-direttur ta’ diversi kumpaniji stabbiliti lokalment.Ħarġet din l-aħbar ta’ sogħba martu Annabelle li spjegat kif wara snin ta’ reżiljenza, żewġha ħalla din id-dinja mdawwar […]