Ixxerja

L-atleta Malti James Camilleri ħabbar li mhux se jkun jista' jieħu sehem fit-Triple Ironman fl-Awstrija fit-28 ta' Awwissu, wara li sofra ksur fil-clavicle f'inċident bir-rota li seħħ il-Ħadd li għadda. Camilleri spjega li kien ilu xhur iħejji ruħu għal din l-isfida kbira, li kienet se tagħtih l-opportunità li jsir it-tieni Malti li jtemm kompetizzjoni ta' din il-portata.

"Fit-28 t'Awwissu għandi nkun fuq starting line ġewwa l-Awstrija biex nikkompeti fit-Triple Ironman," kiteb. "Tlielaq bħal dawn jirrikjedu ħinijiet twal ta' taħriġ, dedikazzjoni, attenzjoni dwar l-ikel li niekol, nuqqas ta' ħruġ kemm ma' tal-familja u ħbieb u sagrifiċċji oħrajn."

Madankollu, spjega li l-ħolma tiegħu mhux se tkun tista' sseħħ din is-sena. "Sfortunatament din il-ħolma li nkun it-tieni Malti li nagħmel din it-tul ta' kompetizzjoni mhux ser isseħħ dis-sena u ħa jkollha tistenna." L-atleta rrakkonta kif l-inċident seħħ waqt li kien qed isuq ir-rota minn Triq San Pawl fid-direzzjoni tax-Xemxija.

"Il-Ħadd li għadda jien u nieżel Triq San Pawl direzzjoni lejn ix-Xemxija kelli inċident bir-rota. Dan kollu minħabba l-ħofor eċċessivi li fiha dit-triq. Inċident li seta' faċilment ikun evitat li kieku għandna infrastruttura diċenti."

Huwa spjega li "spiċċajt biex blajt ħofra qawwija minnhom u tirt minn fuq ir-rota. X'ħin ġejt biex inqum indunajt li did-darba ma kinitx sempliċiment 'tarmac burns'. Ċempluli l-ambulanza u dħalt l-isptar, u wara testijiet u x-rays ikkonfermaw li ksirt il-clavicle (collar bone)."

Camilleri żvela wkoll li lbieraħ għadda minn operazzjoni u issa beda l-proċess ta' rkupru. "Ilbieraħ ġejt operat u issa beda l-vjaġġ biex nibda nirkupra bilmod. Realtà illi għadni lanqas aċċettajt verament għax għadni maħsud kif kollox inbidel f'teptipa t'għajn."

Fl-aħħar tal-messaġġ tiegħu, huwa rringrazzja lill-ħaddiema tal-Isptar Mater Dei għad-dedikazzjoni tagħhom. "Nixtieq ngħid grazzi kbira lill-istaff kollu ta' Mater Dei li għalkemm bil-kemm ilaħħqu bl-ammont eċċessiv ta' xogħol li għandhom, però jaħdmu qatigħ u b'ċertu mħabba. Professjonali u dedikati ta' vera!! Għandna nieħdu ħsiebhom u napprezzawhom!!"

Araw il-post tiegħu HAWN.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Erba’ Każijiet Ta’ Hepatitis A Qed Jiġu Investigati – L-Awtoritajiet Joħorġu Twissija Lill-Pubbliku

Gwida.mt Illum

L-awtoritajiet tas-saħħa qed jinvestigaw cluster ta’ erba’ każijiet ta’ Hepatitis A.Fuq sit lokali ġiet imsemmija stqarrija, fejn is-Sovrintendenza tas-Saħħa Pubblika appellat lil kull min ikkonsma ikel mill-imsemmi stabbiliment, Deli & Co, bejn is-17 u l-25 ta’ Ġunju biex jibqa’ attent għal kwalunkwe sintomu tal-Hepatisis A, sal-14 ta’ Awwissu.L-awtoritajiet qalu li l-investigazzjonijiet tal-kuntatti għadhom għaddejjin, filwaqt […]