Din taħbat it-tielet edizzjoni ta’ SQAQIEN. Dan huwa festival kulturali ċentrat lejn il-komunità, organizzat mill-Kunsill Lokali ta’ Tas-Sliema, u ddedikat biex jiċċelebra l-karattru uniku tas-sqaqien tradizzjonali li jinsabu f’Tas-Sliema.
Dan l-avveniment vibranti jagħti ħajja lil dawn l-ispazji urbani dojoq u spiss minsija, billi jittrasformahom f’koridori kulturali mimlija mużika, artiġjanat, u wirt lokali.
Din is-sena ser issir fi Sqaq Sant’ Elija u Triq San Trofimu f’Tas-Sliema, nhar is-Sibt 14 ta’ Ġunju mill-17:00 ‘il quddiem. Se jkun hemm Park and Ride minn Żammit Clap kull 30 minuta għal ħdejn l-attività.
Mistiedn ħa jkun hemm: il-Banda Konġunta Slimiża, Frank O’Neil, Victorio Gauci, l-għannejja Żeppi l-Muni u Mariele Zammit, il-makkjettisti Jomike u Lydon, Ta’ Verna Folk Band u KANTERA, il-Kor tat-tfal Father’s Angels Children’s Choir u fl-aħħar u mhux l-inqas, it-Tieġ Tradizzjonali Malti.
Apparti minn hekk se jkollna; artiġjanat Malti, ikel u xorb, karozzi antiki, logħob għat-tfal, u ħafna aktar. L-attività hi organizzata mill-Kunsill Lokali Tas-Sliema u finanzjata mid-diviżjoni għal Gvern Lokali taħt is-segretarjat parlamentari għall-Gvern Lokali.
