Il-lokalita’ taż-Żurrieq se tkun iċ-ċentru tal-mużika, l-ispettaklu u l-ġenerożità f’żewġ iljieli spettakolari li qed jiġu organizzati minn Celestial Promotions fl-20 u l-21 ta’ Ġunju 2025, fi Vjal il-Blue Grotto.
Dan l-avveniment bid-dħul bla ħlas qed isir b’risq Puttinu Cares, organizzazzjoni li tgħin tfal u adulti li jkollhom bżonn trattament mediku barra minn Malta.
Huwa mument fejn il-mużika tingħaqad mal-qalb tajba tal-poplu Malti biex flimkien noħolqu memorji sbieħ u nagħtu sehemna għal kawża ġusta. Int mistieden tiġi, tgawdi u tagħti sehemek għal dan l-għan nobbli.
View this post on Instagram
Il-Ġimgħa 20 ta’ Ġunju – Step In with Miss Madonna u Spettaklu Lokali!
L-ewwel serata mistennija tkun vibranti, b’taħlita ta’ talent internazzjonali u artisti lokali fost l-aqwa li għandna f’pajjiżna.
Miss Madonna – Tribute Internazzjonali lill-Queen of Pop
Il-qofol tal-lejla se jkun Step In with Miss Madonna, tribute act ta’ klassi dinjija li tagħti ħajja ġdida lil- leġġenda tal-pop, Madonna. Miss Madonna hija magħrufa għall-preċiżjoni, il-kostumi, u l-enerġija li tnissel fuq il-palk – u li se tagħti spettaklu mhux biss viżiv, imma vjaġġ emozzjonali.
RUG – Band Maltija b’Karattru u Passjoni
Is-serata tibda bi spettaklu live mill-band RUG, band lokali popolari bi stil uniku, enerġija fuq il-palk, u kanzunetti li jgħaqqdu nostalgija u ritmi moderni. Il-preżenza tagħhom żgur li se tagħti lil dan l-avveniment dik it-togħma ta’ talent Malti ta’veru.
DJ Luca Lorenzo
Biex iżid l-enerġija fost il-pubbliku preżenti, DJ Luca Lorenzo se jkun fuq id-decks b’mużika għal dawk kollha li jridu jiżfnu taħt is-sema tal-iljieli sajfin Maltin.
Is-Sibt 21 ta’ Ġunju – L-Aqwa tad-disgħinijiet b’Voglio Tornare Negli Anni 90
It-tieni lejl iwiegħed ċelebrazzjoni nostalġika tas-snin 90 – is-snin tad-deheb tal-mużika dance: L-avventiment se jilqa’ l-akbar spettaklu live iddedikat għas-snin 90: Voglio Tornare Negli Anni 90 – spettaklu mill-Italja li żar diversi bliet Ewropej b’suċċess kbir u issa għall-ewwel darba f’Malta.
Din il-lejla se toffri esperjenza nostalġika u enerġetika, fejn il-pubbliku se jerġa’ jgħix il-mumenti ikonici ta’ din l-era permezz ta’ live performances, viżwal, effetti speċjali u mużika li tqanqal memorji – minn Corona, Eiffel 65, Gala, sa DJ Dado u b’kanzunetti li kienu u għadhom popolari sal-lum: The Rhythm of the Night, Blue (Da Ba Dee), Saturday Night, u ħafna oħrajn.
🎧 DJ Sue – Energija Femminili fuq id-Decks
Il-lejla tas-Sibt se tingħata spinta bl-enerġija u l-karizma ta’ DJ Sue, waħda mill-aktar DJs popolari f’Malta. B’reputazzjoni b’saħħitha fis-sfera tal-mużika dance u electro-pop, DJ Sue hija magħrufa għall-passjoni li għandha u għall-abbiltà li żżomm il-folla bl-istil uniku tagħha.
Id-dehra tagħha fuq il-palk tas-Sibt se tagħti dimensjoni oħra lill-avveniment: enerġija femminili, stil modern u ħoss vibranti li jgħaqqad l-imgħoddi mal-preżent.
Għal Kawża Ġusta – Ngħinu lil Puttinu Cares
L-avveniment se jkun miftuħ għal kulħadd – familji, żgħażagħ, koppji u gruppi ta’ ħbieb. L-entratura hi bla ħlas, iżda donazzjonijiet volontarji għal Puttinu Cares se jkunu milqugħa fuq il-post. Dan hu ċ-ċans ideali biex ningħaqdu bħala komunità u nagħtu sehemna għal tfal u adulti li jkollhom bżonn sapport f’mumenti diffiċli.
Dawn il-iljieli joffru opportunità biex ingawdu u nagħtu lura!
Għal aktar informazzjoni…
– Post: Vjal il-Blue Grotto, iż-Żurrieq
– Ħin: 8:30pm ‘il quddiem
– Dati:
- Il-Ġimgħa 20 ta’ Ġunju:
– Step In with Miss Madonna o RUG o DJ Luca Lorenzo
- Is-Sibt 21 ta’ Ġunju:
– Voglio Tornare Negli Anni 90 (Live show mill-Italja)
– DJ Sue
– Dħul: B’xejn
– Kawża: Puttinu Cares
