L-artist Malti Liston għadu kemm ħareġ il-filmat uffiċjali ta’ FUQ, b’kollaborazzjoni ma’ K3y (Kieron Bonello) u Kapitlu Tlettax. Produzzjoni ta’ Daniel Borg Siconic, li produċa anke r-remix tal-kanzunetta.
Din il-kanzunetta toħroġ messaġġ b’saħħtu – li f’kull sitwazzjoni, jekk ningħaqdu, nistgħu nitilgħu fuq. FUQ hija aktar minn kanzunetta – hija film mużikali li juri l-qalb tal-kultura URBANA f’MALTA.
Kull dettall – mil-lirika għall-viżwali – ġie maħluq mill-ekwipaġġ ta’ Street Elements flimkien ma’ RAW MEDIA MALTA, kollha b’passjoni għal dak li jagħmlu.
- Direzzjoni artistika u lirika oriġinali minn Liston
- Żfin minn Street Elements, capoeira, u dancers urbani oħra
- Koreografija minn Charline Grange
- Filmata minn RAW Media
- Remix minn Siconix
- Parteċipazzjoni ta’ MSSA – Malta Street Sports Alliance Roti, skateboards.
Il-filmat huwa ċelebrazzjoni tal-għaqda, l-kreattività u l-ħajja tat-triq – mixja lejn il-quċċata b’rispett u appoġġ bejnietna. FUQ tfakkarna li fil-qalba tal-hip-hop hemm l-familja u l-komunità.
