L-attriċi lokali Rebecca Dimech Menniello kitbet messaġġ mimli mħabba fuq il-midja soċjali ddedikat lil bintha fl-okkażjoni tat-23 sena tagħha.
Fil-messaġġ tagħha, hija esprimiet kemm ma tistax temmen kif għadda ż-żmien, u kif it-“tifla ċkejkna” tagħha llum kibret f’mara żagħżugħa sabiħa, ġentili u mimlija valuri sbieħ.
“Qisu lbieraħ kont qed inżommok f’dirgħajja, u issa kbirt fi tfajla tant sabiħa, ġentili, u ħanina… Int tassew brillanti f’kulma tagħmel, imma l-aktar ħaġa li ngħożż hija r-ruħ sabiħa tiegħek u d-daħk li ġġib f’ħajti… huwa rigal.”
Minkejja li ż-żmien jgħaddi, bintha dejjem se tibqa’ “it-tifla żgħira” tagħha. Hija wegħditha wkoll li se tibqa’ dejjem hemm għaliha, biex tiggwidaha, tappoġġjaha u tkun maġenbha f’kull deċiżjoni u mument tal-ħajja.
Awguri mill-qalb!
