Il-ġenituri ta’ Jasmine, fuq Jasmine’s Journey, jgħaddu aġġornament ġimgħa wara li Jasmine għamlet operazzjoni. Operazzjoni li saret sabiex il-kundizzjoni tagħha tkompli tkun ikkontrollata bl-aħjar mod possibbli.
Huma jispjegaw, “Għaddew sebat ijiem mill-operazzjoni ta’ Jasmine, u għadna qed naħdmu flimkien mat-tim mediku fuq il-proċess ta’ fejqan tagħha. Hemm jiem fejn tħossha aħjar, imma jkollna wkoll jiem fejn tkun għajjiena u ma tħosshiex komda. Kultant tkun ferħana u tilgħab, imma jiġu wkoll mumenti fejn tkun irritata u tibki.”
Il-ġenituri tagħha jgħidu, “It-tobba qalulna li dan il-mudell ta’ mġiba huwa normali u mistenni wara operazzjoni bħal din, hekk kif ġisimha u moħħha qed jippruvaw jaddattaw. Naturalment, li narawha tħossha ħażin mhux faċli għalina u jġib lura ħafna memorji ta’ trawma medika li għaddejna minnha fil-passat.”
Huma jtemmu, “Minkejja kollox, nibqgħu nitolbu biex Alla jmexxina u jurina x’inhu dak li Jasmine tassew teħtieġ. Grazzi mill-qalb lil kulħadd tat-talb tagħkom.”
Fi ħsiebna u f’talbna għażiża!
Facebook / Jasmine’s Journey
