Il-frott tas-sajf normalment għandhom togħma iktar ħelwa mill-frott ta’ staġuni oħra. Din il-ħlewwa ma ġġibx magħha biss pjaċir — imma tagħmel sens għar-realtà fiżika tagħna f’dal-istaġun.
Skont riċerka fil–Journal of Agricultural and Food Chemistry, il-frott li jikber fix-xemx jipproduċi iktar zokkor naturali, bħall-fruttożju u l-glukożju. Dan jiġri għax, b’iktar dawl tax-xemx, il-pjanta tagħmel iktar fotosinteżi u l-frott isir aktar u jkun iktar ħelu. Fotosinteżi huwa l-proċess kif il-pjanta tipproduċi l-ikel tagħha.
F’dal-perjodu tas-sena, is-sajf, meta l-ġisem ikun qiegħed jaħdem aktar biex jirregola t-temperatura tiegħu, il-livell ta’ enerġija jonqos aktar malajr. Il-frott ħelu joffri spinta naturali – għall-enerġija, idratazzjoni, u potassju.
Imma mhux biss il-ġisem jibbenefika. Riċerka mill-British Psychological Society turi li ikel frisk u ħelu jgħin biex jitnaqqas l-istress u titjieb il-burdata.
Il-ħlewwa tal-frott tas-sajf mhijiex biss togħma – hija tweġiba għar-rekwiżiti tagħna f’dal-istaġun. Għalhekk, dik il-qatgħa dulliegħa jew bettieħa friska jista’ jkollha iktar saħħa milli taħseb.
