Ixxerja

Daniel Cauchi, flimkien ma’ Marija Bellia, qed iniedu s-single l-ġdida Ħallih Iħabbat, li ħarġet ffiċjalment illum 3 ta’ Awwissu. Il-kanzunetta tispikka għall-enerġija tagħha, hekk kif tħallat ritmi varjati ma’ arranġamenti bl-istrumenti tar-ram, u twassal messaġġ pożittiv u umoristiku dwar kif wieħed għandu jqum fuq saqajh wara kull daqqa u jkompli jgawdi l-ħajja kif tiġi.

Il-lirika hija miktuba minn Michael Spagnol u Marija Bellia, filwaqt li l-mużika u l-produzzjoni huma f’idejn Matthew James, li ta lill-kanzunetta ħoss modern u dinamiku. B’messaġġ li jħeġġeġ lir-resiljenza u l-ottimiżmu, Ħallih Iħabbat mistennija tkun waħda mis-singles ewlenin tas-sajf, b’taħlita ta’ melodija li tibqa’ f’moħħok u kliem li jqanqal tbissima.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Illum Huwa Magħruf Bħala L-Jum Internazzjonali Tad-Dulliegħa!

Kyle Zarb Illum

Illum qed niċċelebraw il-frott tas-sajf favorit ma’ kulħadd – id-dulliegħ, peress li t-3 ta’ Awwissu huwa l-Jum Internazzjonali tad-Dulliegħa.Id-dulliegħ huwa friskanti ħafna matul ġurnata sħuna tas-sajf, u dan għaliex 92% minnu huwa magħmul mill-ilma.L-oriġini ta’ dan il-frott tmur lura għall-Eġittu tal-Qedem. Jingħad li l-kultivazzjoni tad-dulliegħa bdiet fil-Wied tan-Nil sa fit-tieni millennju Q.K. Żrieragħ tad-dulliegħa nstabu […]