Ixxerja

Shaun Farrugia żied kisba oħra mal-lista tas-suċċessi tiegħu, din id-darba barra mill-qasam mużikali, hekk kif waqqaf rekord nazzjonali ġdid fil-gżejjer Maltin. The Malta Records ħabbru li dalgħodu kienu mistiedna fil-binja ta’ Vibe FM f’Santa Venera waqt il-programm tar-radju The Morning Vibe, fejn segwew tentattiv uffiċjali għal rekord nazzjonali ġdid.

L-isfida kienet tikkonsisti fl-akbar piż ta’ dulliegħ li persuna tiekol fi żmien ta’ żewġ minuti. Shaun Farrugia rnexxielu jiekol total ta’ 700 gramma ta’ dulliegħ, u b’hekk stabbilixxa r-rekord nazzjonali f’din il-kategorija. The Malta Records faħħru lil Farrugia għal din il-kisba u awgurawlu aktar suċċessi fil-karriera mużikali tiegħu, li kompliet tikber b’mod konsistenti kemm f’Malta kif ukoll barra minn xtutna.

Ir-rekord ġdid ingħaqad mal-lista dejjem tikber ta’ kisbiet nazzjonali rikonoxxuti minn The Malta Records, li jkomplu juru t-talenti u l-isfidi uniċi li jitwettqu fil-gżejjer Maltin.

Araw il-filmat HAWN.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Illum Huwa Magħruf Bħala L-Jum Internazzjonali Tad-Dulliegħa!

Kyle Zarb Illum

Illum qed niċċelebraw il-frott tas-sajf favorit ma’ kulħadd – id-dulliegħ, peress li t-3 ta’ Awwissu huwa l-Jum Internazzjonali tad-Dulliegħa.Id-dulliegħ huwa friskanti ħafna matul ġurnata sħuna tas-sajf, u dan għaliex 92% minnu huwa magħmul mill-ilma.L-oriġini ta’ dan il-frott tmur lura għall-Eġittu tal-Qedem. Jingħad li l-kultivazzjoni tad-dulliegħa bdiet fil-Wied tan-Nil sa fit-tieni millennju Q.K. Żrieragħ tad-dulliegħa nstabu […]