Ixxerja

Aħbar mill-isbaħ għall-artist Malti Hooligan hekk kif f’nhar Santa Marija laqa’ fid-dinja lil ibnu Athon. Hooligan introduċa liċ-ċkejken mas-segwaċi tiegħu fuq il-mezzi soċjali lbieraħ, u qasam magħhom ukoll xi dettalji dwar it-twelid tiegħu.

Athon twieled jiżen 3.4kg u b’tul ta’ 49cm, proprju fil-15 ta’ Awwissu, jum li f’Malta huwa marbut mill-qrib mal-festa tant għażiża ta’ Santa Marija. Mument mill-aktar speċjali għal Hooligan u l-familja tiegħu, hekk kif jibdew kapitlu ġdid f’ħajjithom bil-wasla taċ-ċkejken Athon.

Żgur li ħafna mis-segwaċi tal-artist ingħaqdu miegħu fil-ferħ ta’ din l-aħbar sabiħa wara li introduċa lil ibnu għall-ewwel darba. Aħna minn Gwida.mt nawguraw lil Hooligan u lill-familja kollha minn qalbna għall-wasla ta’ Athon. Nittamaw li dan il-vjaġġ ġdid ikun mimli mħabba, ferħ u ħafna memorji sbieħ. Merħba fid-dinja, Athon!

Awguri mill-qalb lill-familja kollha!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Il-Banda Beland Taż-Żejtun Se Ddoqq F’Celano U Assisi Fil-Ħames Safra Internazzjonali Tagħha

Emil Calleja Bayliss Illum

Il-Banda Beland taż-Żejtun tinsab lesta għall-ħames safra internazzjonali tagħha, hekk kif bejn il-25 u d-29 ta’ Awwissu se tivvjaġġa lejn Celano, fir-reġjun tal-Abruzzo fl-Italja. Din is-safra se tgħaqqad il-mużika, il-kultura u r-rabtiet ta’ ħbiberija li nbnew matul is-snin bejn iż-Żejtun u Celano. Ir-rabta bejn iż-żewġ komunitajiet għandha għeruq storiċi li jmorru lura sekli, filwaqt li […]