Ixxerja

Hekk kif bħalissa għaddej ġmielu l-filming tar-raba' staġun ta' MasterChef Malta, l-eks finalist Leigh Spiteri Chircop magħruf bħala l-Banana, jidher li reġa' rritorna fuq is-sett ta' dan ix-xow ikoniku.

Il-Banana kien ħa sehem fit-tielet edizzjoni ta' MasterChef Malta u kien irnexxielu saħansitra jasal sal-fażi finali. Matul dak l-istaġun hu kien kiseb l-ammirazzjoni u l-imħabba ta' bosta segwaċi bil-karattru ċajtier u simpatiku tiegħu.

Fuq il-midja soċjali dalgħodu l-eks finalist żvela li se jkun qed jirritorna fir-raba' staġun ta' MasterChef Malta "din id-darba mhux bħala parteċipant". Hu kompla jitkellem dwar it-taħlita ta' emozzjonijiet li ħass hekk kif reġa' rifes wara tant xhur fis-sett ta' MasterChef Malta li hu b'mod pożittiv jiddeskrivi bħala "il-post li biddilli ħajti".

"Kienet esperjenza stramba, emozzjonanti, u fl-istess waqt speċjali, għaliex ħassejtni tajjeb li erġajt lura wara dak il-bank tal-kċina," stqarr il-Banana b'reazzjoni għar-ritorn tiegħu fuq MasterChef Malta.

Ftit jiem ilu t-tim tal-produzzjoni kien ħabbar li beda l-filming tar-raba' staġun, bil-ġurija jidher li għal darb'oħra se tkun komposta minn Chef Letizia, Chef Pawlu kif ukoll Chef Victor.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

TV

Programm Ġdid Ma’ Fiorella Chircop Kuljum Fis-19:30 Fuq TOKIS

Emil Calleja Bayliss Illum

TOKIS qed ikompli jsaħħaħ l-iskeda tiegħu b’aktar programmi ta’ divertiment għall-familja kollha. Din id-darba, mal-iskeda ta’ waranofsinhar se jingħaqad Fi Strada Rjali, programm ġdid u varjat ippreżentat minn Fiorella Chircop.Mit-Tnejn 28 ta’ Settembru, TOKIS se jkun qed joffri ħames programmi differenti kuljum, mit-Tnejn sal-Ġimgħa, b’xandir li jibda mit-15:30 ’il quddiem. Fi Strada Rjali se jkun […]