Wara li xandar l-episodju speċjali ta’ Love Island Malta li fih il-familji u l-ħbieb tal-kontestanti żaru l-villa b’sorpriża, il-familja ta’ Michela Mallia bagħtet messaġġ qawwi ta’ appoġġ fuq il-midja soċjali.
Il-kont ta’ Michela fuq Instagram, li bħalissa hu mmexxi mill-familja tagħha waqt li hi għaddejja bl-avventura tagħha fil-programm, ippubblika ritratti tal-familjari libsin flokkijiet b’kitba kbira “Faħli” – kliem li issa sar sinonimu mal-personalità vibranti ta’ Michela.
Il-post tgħid, “Dejjem l-akbar partitarji tiegħi, in-Numru 1 tiegħi.” Il-flokkijiet għamlu dehra wkoll waqt l-episodju, fejn anke Michela stess ingħatat wieħed bħala tifkira ta’ din l-okkażjoni emozzjonanti. B’azzjoni sempliċi iżda sinifikanti, il-familja ta’ Michela wriet kemm hija kburi biha u kemm qed tappoġġjaha minn barra l-villa.
View this post on Instagram
Instagram / Michela Mallia
