Ixxerja

Il-ħames supermarkets ta’ Arkadia f’Malta, mill-lum se jkunu qed joperaw taħt il-marka SPAR, wara li l-Azzopardi Group akkwista l-katina mingħand Mizzi Organisation.

Il-ħwienet li jinsabu f’San Ġiljan, Għawdex, in-Naxxar, is-Swatar u l-Belt Valletta issa se jingħaqdu mas-16-il ħanut SPAR, EUROSPAR u INTERSPAR li diġà jinsabu madwar Malta. Dan l-iżvilupp ikompli jkabbar il-preżenza ta’ SPAR fis-suq lokali, wara tkabbir sostanzjali tal-katina f’dawn l-aħħar snin.

Azzopardi Group, magħruf ukoll għall-operat ta’ Azzopardi Fisheries, ilu mill-2016 bil-liċenzja esklussiva biex jirrappreżenta l-marka internazzjonali SPAR f’Malta. L-ewwel ħanut SPAR tal-grupp fetaħ f’Marsaxlokk sentejn wara. Il-grupp jopera wkoll il-katina Miracle Foods, li tispeċjalizza fost l-oħrajn fil-laħam, ħut u prodotti ffriżati.

Mizzi Organisation Finance PLC ikkonfermat fi stqarrija riċenti li l-ħwienet inbiegħu lil Malta Retailing Ltd, kumpanija sussidjarja ta' Azzopardi Group.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Diversi Xogħlijiet Għaddejjin Fil-Komunità Terapewtika Ta’ San Blas Biex Tissaħħaħ Is-Sigurtà

Emil Calleja Bayliss Illum

Id-Dipartiment tax-Xogħlijiet Pubbliċi qed ikompli jwettaq diversi proġetti fil-Komunità Terapewtika ta’ San Blas, immexxija minn Caritas Malta, bil-għan li jittejbu l-faċilitajiet u tissaħħaħ is-sigurtà tal-ambjent fejn jingħataw servizzi importanti.Fost ix-xogħlijiet li għaddejjin bħalissa hemm ir-rikostruzzjoni ta’ parti mill-ħajt tal-Komunità, li issa tinsab fl-aħħar stadji tagħha. L-intervent kien meħtieġ wara li Caritas Malta talbet l-assistenza tad-Dipartiment […]