Il-komunità taż-Żejtun u b'mod partikolari d-dinja tal-festa u l-għaqdiet volontarji jinsabu f'luttu wara l-aħbar tat-telfa ta' Ċensu Tabone, eks membru attiv u stmat fi ħdan il-Banda Żejtun Għaqda Santa Katarina V.M. AD 1933, li ħalla din id-dinja aktar kmieni llum. It-tħabbira mill-għaqda ġabet magħha dieqa kbira fost dawk kollha li qasmu snin ta' ħidma miegħu.
Ċensu kien magħruf għall-impenn kbir u l-imħabba lejn is-soċjetà permezz ta' diversi rwoli, b'mod speċjali fl-armar u l-preparamenti tal-Karnival, fis-sezzjoni tal-piroteknika u f’għadd ta' proġetti oħra li ħallew marka dejjiema fl-istorja tal-għaqda. F’messaġġ kommoventi, il-Kumitat Ċentrali għadda l-kondoljanzi sinċieri lill-familjari u l-qraba kollha tiegħu f'dan il-mument ta' dwejjaq.
It-telfa tiegħu tħalli vojt li ma jimteliex fost il-voluntiera Żejtunjani li jafu sew xi jfisser li tiddedika tant ħin u għaraq għall-għaqda tal-qalb. Il-ħidma, l-entużjażmu u l-passjoni li bihom Ċensu ta sehmu matul is-snin se jibqgħu ttimbrati għal dejjem fil-pedamenti u l-memorji sbieħ tal-Banda Żejtun.
Strieħ Fis-Sliem Ċens
Facebook/Banda Żejtun Għaqda Santa Katarina V.M. AD 1933
