Ixxerja
Illum, Santa Luċija tfakkar jum importanti għall-komunità tagħha hekk kif tiċċelebra Jum Santa Luċija, kif ukoll tfakkar il-65 sena mit-twaqqif uffiċjali tal-lokalità.
Il-Kunsill Lokali ta’ Santa Luċija wassal l-awguri tiegħu lir-residenti kollha u lil dawk kollha li jġorru l-isem ta’ Luċjan, filwaqt li fakkar fil-kburija li jappartjenu għal raħal żgħir fid-daqs iżda kbir fil-valuri u fl-għaqda tiegħu.
Il-kunsillier Liam Sciberras fakkar li kien fis-7 ta’ Lulju 1959 meta Santa Luċija ġiet stabbilita bħala lokalità permezz tal-Gazzetta tal-Gvern. Minn dak iż-żmien ’l hawn, ir-raħal kompla jiżviluppa u sar magħruf għall-ġonna sbieħ tiegħu, il-knisja u, fuq kollox, għall-komunità li tagħtih il-ħajja.
Sciberras saħaq fuq l-importanza li l-progress jibqa’ jsir b’attenzjoni u b’rispett lejn dak li jagħmel lil Santa Luċija raħal uniku, filwaqt li rringrazzja lir-residenti għall-appoġġ kontinwu tagħhom.
Bħala parti miċ-ċelebrazzjonijiet, illejla fis-6:30pm ser tiġi ċċelebrata Quddiesa fil-Knisja Parrokkjali ta’ Santa Luċija.
Ritratti:
Facebook/ Kunsill Santa Luċija
Ixxerja
Miktub Minn
Matthea Grech
Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.
“Mill-Mument Li Jidħol F’Kappella, Huwa Ma Jsibx Biss Dar, Imma Mħabba Vera” – Ktieb Miktub Minn Keith Spiteri
Matthea Grech
5 ta' Lulju, 2026
Keith Spiteri nieda ‘Meadow – Qalb ta’ Gwerrier’, ktieb emozzjonanti li jirrakkonta l-vjaġġ ta’ Meadow, kelb li sar simbolu ta’ kuraġġ, imħabba u perseveranza. Maqsum f’10 kapitli, il-ktieb iwassal lill-qarrej minn mumenti ta’ ferħ, rabta profonda u sfidi kbar, sal-paċi u l-memorja li tibqa’ tgħix għal dejjem.Il-vjaġġ ta’ Meadow beda fid-19 ta’ Diċembru 2021, meta […]
