Ixxerja

Kont taf li fil-kappella li tinsab fil-Każin tal-Beland fiż-Żejtun hemm marka li jingħad li ħallieha Arċisqof aktar minn seklu ilu? 

L-istorja tmur lura għall-1920, fi żmien meta l-kappella kienet se tiġi kkonsagrata. Jingħad li meta l-Arċisqof daħal fil-kappella, tant baqa’ impressjonat bid-disinn mal-ħitan li sabha diffiċli jemmen li dak li kien qed jara kien impitter u mhux damask veru.Biex jikkonvinċi ruħu, jingħad li mess il-ħajt b’subgħajh. Iżda ż-żebgħa kienet għadha ma nixfitx kompletament u għalhekk ħalla marka warajh.

U l-aktar parti interessanti? Aktar minn mitt sena wara, il-marka għadha tidher sal-lum. Din hija biss waħda mill-ġrajjiet interessanti li qed joħorġu f’sensiela ta’ filmati ppubblikati mis-Soċjetà Mużikali Beland bi tħejjija għall-Festa tal-Kappella 2026.

Il-festa se tkun iċċelebrata bejn il-Ġimgħa 25 u l-Ħadd 27 ta’ Settembru, filwaqt li fit-23, l-24 u l-25 ta’ Settembru fis-6:30pm se jsiru riflessjonijiet dwar id-devozzjoni lejn il-Qalb ta’ Ġesù, immexxija mill-Arċipriet u Direttur Spiritwali tas-Soċjetà, Fr Anton Galea Scannura.

Nhar il-Ġimgħa 25 ta’ Settembru se ssir ikla kbira fuq iz-zuntier. L-għada, is-Sibt 26 ta’ Settembru fis-7:30pm, il-Banda Beland se tippreżenta programm mużikali u strumentali taħt id-direzzjoni ta’ Mro Gordon Baldacchino, segwit fid-9:00pm mill-Marċ tal-Festa tal-Kappella.

Iċ-ċelebrazzjonijiet jilħqu l-qofol tagħhom il-Ħadd 27 ta’ Settembru, bil-Quddiesa ta’ Jum il-Festa fis-6:30pm u riċeviment fil-Każin.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Traġedja Fuq Bajja Ġewwa L-Greċja – Raġel Ta’ 82 Sena Jmut Wara Argument Fuq ‘Sunbed’

Eileen Cumbo Salerno Illum

Argument dwar sunbed fuq bajja popolari fil-Greċja spiċċa fi traġedja bil-mewt ta’ raġel ta’ 82 sena.Il-każ seħħ il-Ħadd filgħodu f’Akti Vouliagmenis, fuq l-Athenian Riviera. Skont informazzjoni mill-awtoritajiet Griegi, ftit qabel l-10am inqala’ argument jaħraq bejn raġel ta’ 76 sena, li kien akkumpanjat minn mara ta’ 21 sena u raġel ta’ 82 sena dwar post fuq […]