Ixxerja

L-eks kontestanta ta’ Big Brother Malta Josline Camilleri tistqarr li kien proprju l-mument meta tilfet lil nannitha, li hi kienet tqis bħala t-tieni omm tagħha, li wassalha sabiex tibda tħares lejn il-ħajja minn perspettiva iżjed pożittiva.

Mal-preżentatriċi bravissima Maria La Barokka waqt il-programm Kuxjenza, Josline emozzjonata tistqarr li għaddiet minn żmien diffiċli f’ħajjitha fejn fih kienet f’relazzjoni tossika u minħabba f’hekk ma baqgħetx tirrikonoxxi l-valur tagħha bħala persuna.

“Ma bqajtx narani sabiħa u ma bqajtx narani li niswa f’din id-dinja,” saħqet Josline li llum il-ġurnata, wara s-sehem tagħha fuq Big Brother Malta, hi magħrufa fuq il-midja soċjali għall-kontenut pożittiv u ferrieħi li tagħha.

Josline tistqarr li din il-bidla rnexxielha twettaqha bil-għajnuna ta’ dawk ta’ madwarha, b’mod speċjali lil oħtha li hi tfisser kellha rwol speċjali f’ħajjitha.

Kuxjenza jixxandar fuq TVM+ kull nhar ta’ Sibt fil-17:30.

Ixxerja

Miktub Minn

Gwida MT

Issa

Iċ-Ċkejkna Jasmine Tibda Tikkomunika Permezz Tal-Għajnejn Bis-Saħħa Tat-Teknoloġija

Gwida.mt Illum

Minħabba l-kundizzjoni rari li għandha ċ-ċkejkna Jasmine ma tistax titkellem sfortunatament iżda qed jirnexxielha titgħallem tikkomunika mod ieħor. Fil-fatt bħalissa ċ-ċkejkna qed titgħallem kif tikkomunika bl-għajnuna tat-teknoloġija permezz tal-moviment t’għajnejha. F’filmat emozzjonanti li ttella’ fuq il-paġna soċjali tagħha, hi tidher qed tibda tikkomunika bi sforz kbir mal-ġenituri tagħha b’dan il-proċess. Prosit u kuraġġ, Jasmine!