Ixxerja
Ixxerja
Parties kummerċjali fuq id-dgħajjes iridu jitfu l-mużika sal-ħdax ta’ filgħaxija, iżommu l-volum baxx meta jkunu viċin ta’ żoni residenzjali, u jevitaw li jagħmlu sound checks qrib il-kosta, skont regoli ġodda maħruġa minn Transport Malta.
Ir-regoli ġew introdotti wara l-intervent tal-Uffiċċju tal-Ombudsman, li aġixxa wara li rċieva lmenti minn residenti li jgħixu qrib il-kosta dwar storbju eċċessiv.
Saru laqgħat bejn Transport Malta u l-Korp tal-Pulizija ta’ Malta biex jiġi determinat liema entità għandha tkun responsabbli għall-infurzar f’każijiet bħal dawn.
L-avviż aġġornat, li nħareġ fit-11 ta’ Lulju, isemmi dawn ir-regoli:
- Il-mużika trid tieqaf sal-ħdax ta’ filgħaxija;
- Sound checks fil-bajjiet u l-portijiet mhux permessi;
- Parties kummerċjali fuq id-dgħajjes li joperaw viċin żoni residenzjali jew żoni ambjentalment sensittivi għandhom josservaw miżuri stretti u jnaqqsu l-mużika għall-inqas volum possibbli.
Ixxerja
