Ixxerja

Il-moda u l-wirt kulturali ngħaqdu f’inizjattiva ġdida hekk kif Heritage Malta, b’kollaborazzjoni mad-disinjaturi Maltin Charles & Ron, nediet il-wirja Imnebbħin mill-istorja: Mill-arazzi għall-moda kontemporanja fil-Palazz tal-Gran Mastru.

Il-wirja tippreżenta sitt ilbiesi uniċi, kollha mnebbħa mill-arazzi storiċi tal-palazz. Dawn jinsabu esebiti fil-kuritur li jwassal għas-Sala tal-Arazzi, li flimkien mal-arazzi nfushom għadha kif għaddiet minn proġett estensiv ta’ restawr.

L-esebizzjoni turi kif elementi artistiċi u storiċi jistgħu jservu ta’ ispirazzjoni għal disinni kontemporanji, filwaqt li toħloq rabta bejn il-passat u l-preżent permezz tal-moda.

Bħala parti minn din il-kollaborazzjoni, Charles & Ron għażlu wkoll li jagħtu waħda mill-ilbiesi esebiti lil Heritage Malta. Din issa se tibqa’ tifforma parti mill-kollezzjoni nazzjonali tat-tessuti taħt il-kustodja tal-aġenzija, u b’hekk se tkompli tħares u tippreserva din il-ħolqa unika bejn il-wirt storiku u l-kreattività kontemporanja.

Din l-inizjattiva tkompli tenfasizza kif il-wirt kulturali jista’ jispira forom ġodda ta’ espressjoni artistika, filwaqt li jkompli jilħaq udjenzi ġodda permezz tad-disinn u l-moda.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Qiegħda Saħansitra Tmiss Il-45°C!” – Il-Mewġa Ta’ Sħana Mistennija Tippersisti Sa Nhar L-Erbgħa

Cristian Tonna Illum

Mewġa ta’ sħana qed tkompli tifni lill-gżejjer Maltin bis-sħana qalila, u mistennija tkompli tagħmel dan minn tal-inqas sa nhar l-Erbgħa li ġej. Fost oħrajn, persuna semmiet kif mill-karozza tagħha t-temperatura ta’ barra misset saħansitra il-45°C.F’dan l-isfond, is-sit Aġġornament tat-Temp ħareġ twissija fejn spjega li “s-sitwazzjoni hija ferm allarmanti milli wieħed jaħseb”. Is-sit semma kif l-umdità […]