Ixxerja

Solange Magri qasmet messaġġ emozzjonanti fuq il-midja soċjali hekk kif illum, 4 ta’ Awwissu, tfakkar ħames snin minn meta tilfet lil binha, Juan. Fl-istess ħin, din kienet ukoll il-ġurnata li fiha ċ-ċkejken kellu jagħlaq ħames snin.

Fil-kitba tagħha, Solange stqarret li kull erbgħa tax-xahar huwa diffiċli għaliha, iżda din id-data ġġib magħha uġigħ akbar għax tfakkarha fil-futur li qatt ma setgħet tara lil binha jgħix. Hija qalet, li ħafna drabi taħseb kif kien ikun jidher illum, kif kienet tkun id-daħka tiegħu u x’tip ta’ tifel kien jikber biex isir.

L-omm esprimiet, li ma jgħaddix jum mingħajr ma taħseb fih u sostniet, li tagħti kollox biex terġa’ tgħannqu darba oħra, tbusu u tgħidlu kemm tħobbu.

Fil-messaġġ tagħha talbet ukoll lil Juan biex jibqa’ jħares minn fuq lill-familja tiegħu, b’mod partikolari lil oħtu l-kbira Hazel u lil oħtu ċ-ċkejkna Kate, li ddeskrivietu bħala l-“anġlu kustodju” tagħhom.

"Int maħbub aktar milli jistgħu jesprimu l-kliem, nieqes aktar milli jistgħu jiddeskrivu l-kliem, u mġorr f’qalbi kull sekonda ta’ kull jum", temmet Solange il-kitba tagħha. Apparti minn hekk, awguratlu “Happy 5th Birthday in Heaven”.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Issa

“Grazzi Talli Kont Il-Blata Tiegħi Meta Ħassejtni Qed Niġġarraf” – Marlene Attard B’Messaġġ Mimli Emozzjoni Lil Nancy

Matthea Grech Illum

Marlene Attard qasmet messaġġ emozzjonanti ddedikat lill-ħabiba tagħha Nancy, hekk kif faħħritha għall-imħabba, il-lealtà u s-sapport li wrietha matul wieħed mill-aktar perjodi diffiċli ta’ ħajjitha.Fil-messaġġ tagħha, Marlene ddeskriviet lil Nancy bħala “mara b’qalb tad-deheb”, persuna li tħobb mingħajr interess u li tibqa’ ħdejn dawk li tħobb kemm fil-ferħ kif ukoll fid-dwejjaq. Irringrazzjatha talli kienet il-“blata” […]