Ixxerja

Fl-okkażjoni tal-Jum Dinji tal-Volleyball, id-Dar tal-Providenza ngħaqdet ma' miljuni ta' persuni madwar id-dinja biex tiċċelebra dan l-isport, filwaqt li enfasizzat li l-volleyball huwa ferm aktar minn sempliċi logħba.

F'messaġġ ippubblikat fuq il-midja soċjali, id-Dar qalet li l-volleyball jinkorpora valuri importanti bħall-fiduċja, ir-reżiljenza, il-komunikazzjoni u s-sapport lejn xulxin – valuri li jmorru lil hinn mill-qasam tal-logħob u li jistgħu jiġu applikati fil-ħajja ta' kuljum.

Id-Dar tal-Providenza żiedet tgħid li dawn l-istess valuri jinsabu fil-qalba tal-BOV Volleyball Marathon, li kull sena ssir b'risq id-Dar, u li permezz tagħha jinġabru fondi biex ikompli jingħata s-servizz u l-kura lir-residenti tagħha.

Id-Dar temmet il-messaġġ tagħha billi fakkret fl-importanza tas-solidarjetà u tal-ħidma flimkien, kemm fl-isport kif ukoll fil-ħajja ta' kuljum.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Diversi Lokalitajiet Jesperjenzaw Qtugħ Ta’ Dawl, B’Xi Residenti Jgħidu Li Ilhom Aktar Minn 24 Siegħa Mingħajr Elettriku

Emil Calleja Bayliss Illum

Il-mewġa ta’ sħana qawwija li qed tolqot lill-Gżejjer Maltin qed tkun akkumpanjata wkoll minn qtugħ ta’ dawl f’diversi lokalitajiet madwar il-pajjiż. Fuq il-midja soċjali qed jidhru għadd kbir ta’ ilmenti minn residenti, minn lokalitajiet differenti, iffrustrati li qed jgħidu li ilhom sigħat twal mingħajr provvista tal-elettriku, proprju fi żmien meta t-temperaturi qed jilħqu livelli estremament […]