Ixxerja

Tħabbret il-mewt ta’ Joe Attard, CEO ta’ Green MT u figura li għal diversi snin kienet attiva fis-setturi kummerċjali u ambjentali f’Malta. L-aħbar tħabbret mill-Malta Chamber of SMEs, li sellmet il-memorja ta’ Attard u l-kontribut li ta matul il-karriera tiegħu. Għal diversi snin, Joe Attard serva bħala CEO ta’ Green MT Limited, sussidjarja tal-Malta Chamber of SMEs li twaqqfet sabiex tassisti importaturi, produtturi u negozji fl-obbligi legali tagħhom marbuta mal-immaniġġjar tal-iskart.

“B’diqa kbira nsellmu lil Joe Attard, CEO ta’ Green MT Limited, sussidjarja tal-Malta Chamber of SMEs, u figura li ilha għal snin twal attiva fil-komunità kummerċjali Maltija,” kitbet il-Kamra fit-tislima tagħha. Qabel ir-rwol tiegħu fi Green MT, Attard kien serva wkoll f’karigi għolja fi ħdan il-Kamra fiż-żmien meta din kienet magħrufa bħala l-GRTU.

Il-Malta Chamber of SMEs fakkret l-esperjenza u l-impenn tiegħu, partikolarment il-ħidma li wettaq tul is-snin fis-setturi tan-negozju u tal-ambjent f’Malta. Kondoljanzi lill-familja, qraba, ħbieb u kollegi tiegħu f’dan il-mument diffiċli.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Erba’ Nisa, Erba’ Rwoli Importanti Ġodda Fi Ħdan L-FSWS

Emil Calleja Bayliss Illum

Il-Fondazzjoni għas-Servizzi ta’ Ħarsien Soċjali (FSWS) ħabbret erba’ ħatriet ġodda f’pożizzjonijiet ta’ tmexxija, wara numru ta’ bidliet fit-tim maniġerjali tagħha.Svetlana Buttigieg inħatret Direttur ta’ Aġenzija Appoġġ. Hija social worker b’aktar minn 15-il sena esperjenza fis-servizzi soċjali u matul il-karriera tagħha kienet involuta fit-tmexxija ta’ diversi servizzi, fosthom Supportline 179, BeSmartOnline u servizzi ta’ sapport għall-familji.Melissa […]