Wara erba’ snin u nofs ta’ ħidma, ħidma mimlija emozzjonijiet, tkabbir, u ħafna daħk, l-artist lokali Martina Borg sellmet lill-għalliema tal-vuċi tagħha Julie Pomorski b’messaġġ li laqat il-qlub ta’ ħafna.
“Erba’ snin u nofs ta’ ġenn assolut flimkien,” kitbet Martina f’messaġġ li tella’ fuq il-midja soċjali. “Eżerċizzji vokali, breakdowns, lezzjonijiet li kienu jibdew b’li naqa’ t-taraġ kull ġimgħa, warmups li spiċċaw f’sessjonijiet ta’ terapija… u breakthroughs vokali li kienu jispiċċaw b’daħka kaotika li kważi lanqas inkun nista’ nieħu n-nifs.”
Martina tiddeskrivi lil Julie mhux biss bħala kowċ, imma bħala persuna li rat il-partijiet l-aktar vulnerabbli tagħha. “Bqajt niġi kull ġimgħa għax kont naf li kont f’idejn tajba. U qatt ma żbaljajt. Għallimtni nuża l-vuċi tiegħi – u mhux biss fil-kant. Għamiltni aktar kuraġġuża, iktar b’saħħti u aktar awtentika, anke meta lanqas naf kont kif nitlob dak li kelli bżonn.”
Kien hemm ukoll doża tajba ta’ umoriżmu, “Dħakna wisq fuq affarijiet li probabbilment kienu tad-daħk biss għalina. Int smajt l-agħar ħsejjes li ħarġu minni – u xorta ma tfajtniex ‘il barra. Dik hi l-vera mħabba.”
View this post on Instagram
Julie, skont Martina, kienet hemm f’kull pass, “Meta xi ħadd jemmen fik daqs kemm emmint int fija, iħalli marka. Kollox li qed nidħol għalih issa, kull pass li qed nagħmel, ġej mill-pedament li bnejna flimkien.”
Martina temmet il-messaġġ tagħha b’tifħir sinċier, “Grazzi talli dejjem kont hemm, talli kont in-nar meta kelli bżonn dawl, talli kont onesta bla ħniena meta kelli bżonn, talli kont int – dik il-persuna brillanti li kapaċi ma tkunx normali għal aktar minn 15-il sekonda u fuq kollox, talli qatt ma għamiltni nħoss li kelli nnaqqas minni nnifsi biex inkun bħal bqija.”
Għalkemm dan il-kapitlu importanti issa se jintemm, l-imħabba u l-gratitudni ta’ Martina ma jispiċċawx hawn. “Se nimmissjak aktar milli nista’ ngħid… imma tinkwetax, se tibqa’ tirċievi voice notes orribbli u aġġornamenti kaotiċi minni il-ħin kollu .”
Temmet b’qalbha kollha: “Inħobbok SOOOOOOOOO ħafna 💖.”
