Ixxerja

Dalgħodu l-gżejjer Maltin qamu għall-ħalbiet tax-xita bir-ragħad li ħafna, b'mod speċjali l-bdiewa u r-raħħala, kienu qed jistennew b'ħerqa kbira. Dan wara 120 ġurnata li matulhom pajjiżna esperjenza mewġa tas-sħana wara l-oħra, mingħajr l-ebda ħjiel ta' xita.

Is-sit 'Aġġornament tat-Temp' ftit sigħat ilu żvela xi ċifri dwar ix-xita ta' dalgħodu u żvela li kienet il-lokalità Għawdxija tax-Xewkija li ntlaqet l-iżjed.

Lokalitajiet oħrajn fil-gżira Għawdxija li ntlaqtu sostanzjalment jinkludu x-Xagħra, is-Sannat kif ukoll l-Għarb. Min-naħa 'l oħra, fil-gżira Maltija jidher li l-lokalitajiet tal-Mellieħa, il-Mosta, Ħad-Dingli, Ħal Luqa, l-Imsida u ż-Żurrieq intlaqtu l-iżjed mix-xita ta' dalgħodu.

It-tbassir tat-temp tal-Ajruport Internazzjonali ta' Malta jindika li l-ħalbiet tax-xita mistennija jissoktaw fil-jiem li ġejjin, hekk kif issa s-sajf riesaq lejn l-aħħar ftit ġranet tiegħu.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Għawdex Kellu L-Akbar Ammont Ta’ Xita Dalgħodu – Iżda X’Qed Jistenna Għal Malta U Għawdex Fil-Jiem Li Ġejjin?

Eileen Cumbo Salerno Illum

Dalgħodu x-xita ħalliet l-akbar impatt tagħha fuq Għawdex, fejn skont il-paġna Aġġornament tat-temp, il-medja tal-ammont ta’ xita kienet ta’ madwar 24mm. Madankollu, lejn l-Għarb u San Lawrenz niżlet ferm inqas xita.F’Malta ġiet osservata sitwazzjoni simili, bl-akbar ammont ta’ xita jinżel fin-naħa ta’ fuq tal-gżira. Il-medja totali għal Malta kienet ta’ 14.7mm.Għal-lejla, it-temp mistenni jibqa’ ftit […]