Ixxerja

Bħalissa bosta jinsabu mnikkta bl-aħbar li għadu kif ħalla din id-dinja l-attur veteran Joe Gatt. Matul il-karriera tiegħu, Joe mhux biss ħa sehem f'numru kbir ta' produzzjonijiet, iżda permezz tal-pinna tiegħu ta l-ħajja lil ħafna oħrajn. Fost is-sensiliet televiżivi li ssawru bis-saħħa tal-pinna tiegħu nsibu 'Intriċċi' kif ukoll 'Għeruq'.

Għadu kif tħabbar li hu se jkun qed jingħata l-aħħar tislima proprju nhar it-Tnejn li ġej f'belt twelidu ġewwa l-Mosta. Il-funeral tiegħu mistenni jibda fis-7:30 ġewwa s-Santwarju Bażilika ta' Santa Marija.

Kien il-Kunsill Lokali tal-Mosta li ħabbar dan fuq il-midja soċjali fejn fakkar il-kontribut li Joe Gatt ta mhux biss fix-xena Maltija tal-ispettaklu, iżda wkoll lejn beltu, hekk kif għal diversi snin Joe serva bħala kunsillier fil-lokalità tal-Mosta. Issemma wkoll kif Joe Gatt kien ingħata l-unur tant prestiġjuż ta' Ġieħ il-Mosta lura fl-2019.

Jistrieħ fis-sliem!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Għawdex Kellu L-Akbar Ammont Ta’ Xita Dalgħodu – Iżda X’Qed Jistenna Għal Malta U Għawdex Fil-Jiem Li Ġejjin?

Eileen Cumbo Salerno Illum

Dalgħodu x-xita ħalliet l-akbar impatt tagħha fuq Għawdex, fejn skont il-paġna Aġġornament tat-temp, il-medja tal-ammont ta’ xita kienet ta’ madwar 24mm. Madankollu, lejn l-Għarb u San Lawrenz niżlet ferm inqas xita.F’Malta ġiet osservata sitwazzjoni simili, bl-akbar ammont ta’ xita jinżel fin-naħa ta’ fuq tal-gżira. Il-medja totali għal Malta kienet ta’ 14.7mm.Għal-lejla, it-temp mistenni jibqa’ ftit […]