Ixxerja

Is-Segretarju Parlamentari għad-Djalogu Soċjali, Andy Ellul, ħabbar li koppji li jkorru se jingħataw sebat ijiem konsekuttivi li se jkunu qed jitħallsu mill-Gvern.

Ħabbar dan f’konferenza tal-aħbarijiet li fiha spjega din il-miżura ġdida. Dr Ellul qal li l-leave se jkun jgħodd mhux biss għall-mara li tkun korriet iżda wkoll għall-partner tagħha, irrelevanti jekk hux tal-istess sess u jekk il-koppja humiex miżżewġin.

Is-Segretarju Parlamentari qal ukoll li l-koppja se jkunu qed jingħataw sapport psikoloġiku u emozzjonali biex jibdew itaffu u jirkupraw ftit mit-trawma li jkunu għaddew minnha. Spjega li biex jittieħed dan il-leave, kulma se jintalab se jkun ċertifikat mediku mingħand il-ginekologu tal-mara u mhux se jintalbu dettalji żejda dwar il-każ.

Din ir-rifoma ġiet wara li l-Prim Ministru Robert Abela ta direzzjoni politika ċara biex tidħol fis-seħħ, u biex titmexxa mis-Segretarju Parlamentari Andy Ellul. Biex saret din il-proposta saret konsultazzjoni pubblika li fiha ġew mitkellma għexieren ta’ persuni fosthom esperti mediċi, ħaddiema, unions u min iħaddem, kif ukoll persuni li għaddew minn din it-trawma.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Ejjew Inwarrbu L-Loġika Tal-Vjolenza U L-Gwerra U Minflok Inħaddnu Paċi Msejsa Fuq L-Imħabba U L-Ġustizzja” – Papa…

Cristian Tonna Illum

Fuq il-pjattaforma ta’ X, il-Papa Ljun XIV reġa’ mill-ġdid appella sabiex id-dinja tħaddan il-paċi. Hu appella sabiex titwarrab il-loġika ta’ vjolenza u gwerer u minflok tingħata prijorità lill-imħabba u l-ġustizzja.Il-Kap tal-Knisja Kattolika saħaq li l-paċi biss għandha l-ħila li ssolvi l-gwerer u tnissel it-tama u l-empatija fil-qlub tan-nies.Il-Papa temm il-mesaġġ tiegħu billi ħeġġeġ sabiex ikun […]