Jacob Cachia huwa ġuvni tassew reżiljenti li meta kien għadu ġuvni kellu bżonn jagħmel ħafna operazzjonijiet f’moħħu biex ma jitlifx ħajtu. Illum hu juża l-istorja tiegħu biex jagħti l-kuraġġ lil kull min ikun għaddej minn żminijiet diffiċli.
Ilbieraħ Jacob kiteb dwar xi ħaġa li ġabitlu ħafna ferħ. Hu spjega, “Kemm hi xi ħaġa sabiħa li tinzerta l-persuna li salvatlek ħajtek wara ħafna snin ma tarawx lil xulxin!!”
Hu ppubblika ritratt tagħhom flimkien, u t-tbissima fuq fommu turi l-apprezzament li għadu f’qalbu sal-lum lejn din il-mara li bis-saħħa tagħha hu qiegħed hawn illum.
Ommu Sarah Cachia kkummentat “Dejjem se nibqa’ grata għal Jasmina, l-omm li salvat it-tifel tiegħi.”
X’mument sabiħ dan! Żgur li se jkun mument li jibqa’ mnaqqax f’qalbhom għal dejjem!
Facebook / Jacob Cachia
