Fi tmiem il-ġimgħa li għaddiet, il-pjanista popolari tal-programm Għaddi S’Hawn, Andrew, għamel l-akbar pass ta’ ħajtu meta qal “iva” lill-maħbub tiegħu, Vinicius. Iċ-ċerimonja tat-tieġ saret f’ambjent intimu u emozzjonanti, immexxija mill-kantanta rinomata Claudia Faniello, li żiedet noti ta’ mħabba u eleganza bil-preżenza u l-vuċi tagħha.
Il-mument ma setax kien aktar sinifikanti: żewġt irġiel li għażlu li jħobbu bla biża’, f’socjetà li għadha xi kultant tiġġieled biex tifhem jew tapprezza mħabba li ma taqax fil-kaxxi tradizzjonali. Fuq il-mezzi soċjali tiegħu, Andrew esprima b’mod emozzjonanti dak li jgħaddi minn qalbu: “Jien iżżewwiġt l-isbaħ ruħ. Xi wħud jistgħu jiġġudikaw — imma mħabba bħal din ma għandix bżonn difiża, lanqas spjegazzjoni.” Kliem mimli verità li jixhed kemm il-vjaġġ tagħhom hu bbażat fuq ġenwinità, rispett, u l-għażla ta’ kuljum li jħobbu lil xulxin.
Il-mument tagħhom mhux biss jirrappreżenta rabta personali, iżda wkoll simbolu ta’ tama għal ħafna oħrajn li għadhom ifittxu l-kuraġġ li jgħixu l-imħabba tagħhom b’mod awtentiku. F’isem it-tim kollu ta’ Gwida, nixtiequ nesprimu l-isbaħ xewqat lil Andrew u lil Vinicius. Nittamaw li kull jum ta’ ħajjithom miżżewġa jkun mimli b’daħk, għożża u mħabba li diġà qed juru lil xulxin. Jalla dan il-vjaġġ sabiħ li bdew flimkien ikompli jikber f’imħabba li ddum għal dejjem.
