Ixxerja

Il-familja ta’ Redeemer Grima se tkun qed tagħtih l-aħħar tislima nhar il-Ġimgħa, 14 ta’ Awwissu, fil-Bażilika ta’ San Pawl fir-Rabat. Il-funeral se jibda fit-8:30 ta’ filgħodu.

Kienet in-neputija tiegħu, Janice Farrugia, li qasmet id-dettalji tal-funeral filwaqt li sellmet il-memorja ta’ zijuha b’messaġġ mimli mħabba. "Nhar il-Ġimgħa, 14 ta’ Awwissu, se ntuk l-aħħar tislima, Ziju Redeemer. Il-funeral se jsir fil-Bażilika ta’ San Pawl, ir-Rabat, fit-8:30," kitbet Janice.

Hija ddeskriviet lil Redeemer bħala persuna b’qalb tad-deheb, dejjem lesta biex tkun ta’ għajnuna għal dawk ta’ madwarha. "Se nibqgħu niftakruk bit-tbissima tiegħek, bil-qalb tad-deheb li kellek, u bħala raġel li dejjem kont tħobb tgħin lil kull min kellu bżonn."

Janice kompliet tgħid li l-familja għadha qed issibha diffiċli temmen li Redeemer ħalliehom daqshekk malajr, iżda l-memorji li ħoloq magħhom se jibqgħu jgħixu għal dejjem. "Għadna ma nistgħux nemmnu li tlaqtna daqshekk malajr. Il-memorji, il-konversazzjonijiet tagħna u t-tbissima tiegħek se jibqgħu magħna għal dejjem. Għal dejjem f’qalbna, Ziju."

Kondoljanzi lill-familja u lill-għeżież kollha ta’ Redeemer f’dan il-mument diffiċli. Strieħ fis-sliem.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Abbatini Għawdxin Jiltaqgħu Mal-Papa Ljun XIV Ġewwa L-Vatikan

Charlton Cefai Illum

Permezz ta’ kitba fuq il-paġna tagħhom, Diocese of Gozo qasmu mas-segwaċi tagħhom messaġġ qasir hekk kif grupp abbatini Għawdxin kellhom l-opportunita jiltaqgħu mal-Papa Ljun XIV.Huma qalu, “Wara li s-Sibt li għadda kellhom il-Vestizzjoni mill-Kardinal Mario Grech, illum l-abbatini Għawdxin li qed jagħtu servizz fil-Vatikan kellhom ix-xorti li fi tmiem l-Udjenza ġenerali jiltaqgħu mal-Q.T. il-Papa Ljun […]