Ixxerja

Illum, 13 ta’ Awwissu huwa jum partikolarment emozzjonanti għal Isabelle Bonnici, hekk kif huwa għeluq snin binha Jean Paul Sofia.

Ilbieraħ, Isabelle kitbet messaġġ lil  binha, fejn kitbet, “Għada għeluq sninek, sabiħ tiegħi.” Hija fissret kif din hija r-raba’ sena mingħajru. “Kliem m’hemmx biex jispjega kemm nimmissjak, kemm inħoss in-nuqqas tiegħek,” żiedet tgħid Isabelle, filwaqt li esprimiet ix-xewqa li tkun tista’ għal darba oħra tara wiċċ binha, tisma’ leħnu u tgħannqu magħha.

Hija kompliet billi fissret li Jean Paul kien u jibqa’ parti minnha, filwaqt li saħqet li l-imħabba ta’ omm għal binha ma tintemm qatt. Fost il-kliem sentimentali tagħha, Isabelle kitbet, “Kieku nista’ nagħtik l-akbar rigal, kont nagħtik il-ħajja tiegħek lura.” Hija għamlet referenza wkoll għan-numru 138, marbut mad-data tat-twelid ta’ Jean Paul, 13/8, li llum huwa wkoll helpline maħsub biex joffri għajnuna f’każ ta’ bżonn fis-settur tal-kostruzzjoni.

Isabelle temmet il-messaġġ tagħha bil-kliem, “Inħobbok illum, għada u għal dejjem. Għal dejjem ibni.”

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Sunny Falzon Jiċċelebra Għeluq Il-75 Sena Tiegħu – Awguri! 

Eileen Cumbo Salerno Illum

Illum hija ġurnata speċjali għal Sunny Falzon hekk kif qed jiċċelebra għeluq il-75 sena tiegħu! F’din l-okkażjoni, l-Għaqda tan-Nar 23 t’April wasslet l-awguri tagħha lil Sunny li huwa membru onorarju u sostenitur tal-istess għaqda. “Grazzi għażiż, għal iktar snin ta’ ħidma għall-patrun tagħna San Ġorġ,” kitbet l-għaqda fil-messaġġ tagħha fuq il-midja soċjali.Dan il- messaġġ juri l-apprezzament lejn […]