Ixxerja

Rom hija qattusa li madwar tliet snin ilu ġiet salvata waqt li kienet tqila. Illum reġgħet għandha bżonn l-għajnuna tal-pubbliku wara li saħħitha marret għall-agħar.

Dak iż-żmien, Rom welldet b’mod sigur taħt il-kura ta’ RAR u aktar tard ġiet sterilizzata. Sfortunatament, minn dakinhar tilfet waħda minn għajnejha u issa żviluppat ukoll kanċer f’widnejha.

Minħabba l-kundizzjoni tagħha, Rom teħtieġ interventi f’għajnejha u f’widnejha, kif ukoll kura veterinarja b’mod konsistenti. Fuq kollox, bħalissa għandha bżonn tħossha aktar komda ġewwa s-santwarju. Għalhekk tnieda appell biex jinġabru €300 għall-miżata tas-santwarju tagħha, filwaqt li qed tintalab ukoll għajnuna għall-ispejjeż veterinarji u tal-operazzjonijiet li għandha bżonn.

Kull donazzjoni, żgħira kemm hi żgħira, tista’ tagħmel differenza għal Rom. Dawk li ma jistgħux jgħinu finanzjarjament jistgħu xorta jagħtu daqqa t’id billi jxerrdu dan l-avviż.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Joven Grech Jiċċelebra Għeluq L-14-il Sena Ta’ Ibnu Mason B’Tifkira Speċjali

Eileen Cumbo Salerno Illum

Joven Grech, magħruf ukoll bħala Tenishia, ilbieraħ wassal messaġġ mill-isbaħ fl-okkażjoni ta’ għeluq l-14-il sena ta’ ibnu l-kbir, Mason.Joven irrakkonta kif fl-2012 kien jaf li d-data mistennija għat-twelid ta’ Mason kienet se tkun madwar it-tieni ġimgħa ta’ Awwissu. Minħabba l-impenji tiegħu bħala DJ internazzjonali, huwa kien talab lill-aġent tiegħu biex jorganizzalu spettaklu f’Melbourne f’dawk il-jiem, […]