Ixxerja

Jekk int ġenitur jew nannu/a li ta’ spiss issib lilek innifsek tistaqsi kif il-midja soċjali qed taffettwa lil uliedna fil-ħajja ta’ kuljum. Il-Parlament qed jistiednek biex tingħaqad f’diskussjoni miftuħa dwar dan is-suġġett tant attwali.

Is-Segretarjat Parlamentari għar-Riformi u Ugwaljanza se jorganizza laqgħa ta’ diskussjoni pubblika nhar It-Tlieta, 29 ta’ Lulju 2025, fil-Venju 1902, Pembroke, li tibda fis-18:00.

Din hija opportunità għal ġenituri, nanniet, edukaturi u kull min għandu għal qalbu l-ġid tat-tfal biex jesprimu l-opinjoni tagħhom, jaqsmu esperjenzi u jisimgħu minn oħrajn dwar kif il-midja soċjali qed tinfluwenza l-iżvilupp emozzjonali u soċjali taż-żgħar.

Il-laqgħa tagħmel parti mill-inizjattiva Envision 2050, li għandha l-għan li tiġbor ideat dwar il-futur soċjali ta’ pajjiżna. Biex tipparteċipa, irreġistra sa mhux aktar tard minn nhar il-Ġimgħa, 25 ta’ Lulju fuq: reformsandequality@gov.mt

Ejja nisimgħu mingħand xulxin u nfasslu futur aħjar flimkien!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Ejjew Inwarrbu L-Loġika Tal-Vjolenza U L-Gwerra U Minflok Inħaddnu Paċi Msejsa Fuq L-Imħabba U L-Ġustizzja” – Papa…

Cristian Tonna Ilbieraħ

Fuq il-pjattaforma ta’ X, il-Papa Ljun XIV reġa’ mill-ġdid appella sabiex id-dinja tħaddan il-paċi. Hu appella sabiex titwarrab il-loġika ta’ vjolenza u gwerer u minflok tingħata prijorità lill-imħabba u l-ġustizzja.Il-Kap tal-Knisja Kattolika saħaq li l-paċi biss għandha l-ħila li ssolvi l-gwerer u tnissel it-tama u l-empatija fil-qlub tan-nies.Il-Papa temm il-mesaġġ tiegħu billi ħeġġeġ sabiex ikun […]