Ixxerja

Minkejja li Għawdex gżira żgħira, ma nistgħux neskludu l-fatt li fih taħlita mill-isbaħ ta’ storja, kultura u pajsaġġi naturali. F’pubblikazzjoni fuq Facebook, il-paġna Historic Malta tefgħet l-attenzjoni tagħha fuq ħames postijiet li bla dubju juru x'toffri din il-gżira tant sabiħa.

Fosthom tissemma iċ-Ċittadella, li tiddomina x-xefaq tar-Rabat u ġġorr magħha sekli ta’ storja, kif ukoll is-Santwarju ta’ Pinu, li jispikka fost il-pajsaġġ Għawdxi. Ma jonqosx ukoll li jissemmew ir-Ramla l-Ħamra, bir-ramel ħamrani tagħha u d-Dwejra, magħrufa għall-formazzjonijiet tal-blat u l-veduti mill-isbaħ tal-baħar.

Apparti dan, il-paġna qasmet ukoll fatt li mhux kulħadd jaf. Saħqet li t-Tempji tal-Ġgantija, fix-Xagħra, imorru lura għal madwar is-sena 3600 QK, filwaqt li l-bini tal-Piramida l-Kbira ta’ Giza beda madwar l-2550 QK. Fi kliem ieħor, il-bini tal-Ġgantija beda madwar elf sena qabel dak tal-piramida famuża tal-Eġittu!

It-Tempji tal-Ġgantija huma wkoll parti mill-Wirt Dinji tal-UNESCO, xhieda tal-importanza ta’ dan il-wirt preistoriku.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Ħsibt Fik” – Din Hija L-Kanzunetta Uffiċjali Ta’ Rigal Bi Mħabba 2026!

Eileen Cumbo Salerno Illum

Hekk kif qed joqrob Rigal bi Mħabba 2026, l-inizjattiva ta’ Dr Lydia Abela, La Voix Studios qasmu dettalji dwar il-kanzunetta uffiċjali ta’ din is-sena, li ġġib l-isem “Ħsibt Fik”.Skont il-paġna ta’ La Voix Studios, il-kanzunetta ġiet fdata f’idejn Emil Calleja Bayliss u Gillian Attard, flimkien ma’ Maria Luana, Franklin Calleja, Maria Curmi u Dawn Desira. […]