Ixxerja

Il-Ministru għas-Saħħa Ian Borg, permezz ta’ post fuq il-midja soċjali akkumpanjat minn ritratt meħud fit-teatru tal-operazzjonijiet, ħabbar li saru l-ewwel interventi kirurġiċi fiċ-Ċentru Reġjonali tas-Saħħa Ċensu Moran f’Raħal Ġdid.

"Illum l-ewwel operazzjonijiet kirurġiċi fit-teatru ta’ Ċensu Moran. Aktar operazzjonijiet. Kura eqreb lejk," kiteb il-Ministru Borg.

Fir-ritratt jidher tim ta’ professjonisti mediċi waqt li qed iwettaq operazzjoni, f’kamra mgħammra b’apparat mediku modern.

Iċ-Ċentru Reġjonali tas-Saħħa Ċensu Moran f’Raħal Ġdid huwa l-ewwel ċentru ta’ kura sekondarja f’Malta, li joffri servizzi speċjalizzati u kumplimentari, filwaqt li jġib il-kura eqreb lejn il-komunità u jippromwovi saħħa aħjar għal kulħadd.

Il-pazjenti jkunu jistgħu jingħataw kura u trattamenti speċjalizzati f’dan iċ-ċentru.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Artikli Ricenti

Wara Qtugħ Ta’ Aktar Minn 20 Siegħa, Microsoft Qed Tkompli Taħdem Biex Is-Servizzi Jiġu Rrestawrati

Bernard Xuereb Ilbieraħ

Dawk kollha li jagħmlu użu mill-Microsoft fuq il-post tax-xogħol, inkluż Teams, Outlook u CoPilot, żgur indunaw bil-qtugħ tas-servizzi. Il-Microsoft qalet li qed tkompli taħdem biex is-servizzi kollha jerġgħu jaħdmu b’mod normali.Għalissa xi utenti jaf jibqgħu jesperjenzaw problemi meta jaċċessaw is-servizzi u l-għodda tal-Microsoft.Microsoft qed tikteb aġġornamenti tat-tiswijja fuq il-midja soċjali b’mod kontinwu. Huma kkonfermaw li […]