Ixxerja

Wara li s-Sibt li għadda l-Ingilterra kklassifikat fl-aħħar post fil-Eurovision Song Contest, fost il-poplu Ingliż tqanqal dibattitu dwar jekk il-pajjiż għandux jagħżel li jieqaf jieħu sehem.

Id-dibattitu tqanqal mill-programm ‘Good Morning Britain’ li hu wieħed mill-iżjed programmi ta’ filgħodu popolari fost l-Ingliżi.

Il-preżentaturi ta’ dan il-programm semmew kif fis-snin riċenti, l-Ingilterra ġiet fl-aħħar post darbtejn oħra apparti s-Sibt li għadda; fl-2019 u fl-2021. Huma saħqu li dan ir-riżultat hu wieħed umiljanti għall-Ingilterra u kien għalhekk li staqsew din id-domanda.

Għadd ta’ Ingliżi ġew ukoll mistoqsija dwar il-futur tal-Ingilterra fil-Eurovision, b’85% qalu li jaqblu li pajjiżhom m’għandux jibqa jieħu sehem filwaqt li l-15% l-oħra oġġezzjonaw u sostnew li xorta jemmnu li l-Ingilterra għandha tieħu sehem.

Is-Sibt li għadda l-Ingilterra ngħatat punt wieħed biss mill-voti tal-ġurija, b’mod speċifiku mill-Ukrajna, filwaqt li mit-televoting ma ħadet l-ebda punt.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Spettaklu

Lejliet Il-Finali Tal-Eurovision, Malta Hija L-Għaxar L-Aktar Probabbli Li Tirbaħ Skont Id-Djar Tal-Imħatri

Cristian Tonna 16 ta' Mejju, 2026

Xhur ta’ stennija u preparazzjoni llejla se jkunu qiegħdin jilħqu l-qofol tagħhom fis-serata finali tas-70 edizzjoni tal-Eurovision Song Contest. Malta se tkun qiegħda tieħu sehem f’din is-serata wara li l-Ħamis li għadda kienet fost dawk il-pajjiżi li rnexxielu jgħaddi għall-fażi li jmiss. Ftit sigħat qabel il-bidu ta’ din is-serata, id-djar tal-imħatri qed jantiċipaw li l-kanzunetta […]