Ixxerja

Iż-żewġ MEPs Maltin, Alex Agius Saliba u Daniel Attard, ġew magħżula fost il-finalisti tal-MEP Awards 2026, b’rikonoxximent għall-ħidma tagħhom fil-Parlament Ewropew f’oqsma differenti.

Alex Agius Saliba ġie nnominat għall-kategorija Digital Champion and Innovation Award, li tagħti ġieħ lill-MEPs li qed jgħinu biex jiffurmaw il-futur diġitali tal-Ewropa u jippromwovu l-innovazzjoni madwar il-kontinent. Min-naħa tiegħu, Daniel Attard ġie magħżul bħala finalist fil-kategorija Sustainable Tourism Award, li tirrikonoxxi l-isforzi favur politiki turistiċi sostenibbli, inklużivi u mmirati lejn il-futur fl-Ewropa.

Meta rreaġixxa għan-nomina tiegħu, Alex Agius Saliba qal li dan ir-rikonoxximent jagħtih aktar motivazzjoni biex ikompli jaħdem b’dedikazzjoni f’isem il-poplu Malti u Għawdxi fi Brussell. F’kitba fuq il-midja soċjali, huwa ddeskriva n-nomina bħala vot ta’ fiduċja li jagħtih aktar determinazzjoni sabiex jirrappreżenta lil Malta u Għawdex bl-aħjar mod possibbli fil-Parlament Ewropew.

L-MEP Awards jagħtu ġieħ lill-membri tal-Parlament Ewropew minn madwar l-Unjoni Ewropea li jkunu taw kontribut sinifikanti fl-oqsma politiċi rispettivi tagħhom matul il-leġiżlatura. Issa, iż-żewġ MEPs Maltin se jikkompetu ma’ finalisti oħra minn diversi pajjiżi Ewropej fil-kategoriji rispettivi tagħhom, hekk kif jistennew l-eżitu finali tal-premjijiet.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Għada L-Isvizzera Se Tivvota Biex Tiddeċiedi Jekk Hijiex Se Timponi Limitu Fuq Il-Popolazzjoni Tagħha

Cristian Tonna Illum

Għada l-poplu Żvizzeru se jkollu l-opportunità li jwieġeb għal din id-domanda – tixtieq li fil-pajjiż tiddaħħal limitazzjoni li tesiġi li l-popolazzjoni ma tistax tikber iżjed minn għaxar miljun? Jekk il-maġġoranza tivvota IVA, mela allura l-Isvizzera ssir l-ewwel pajjiż Ewropew b’limitazzjoni ta’ din ix-xorta. Il-pajjiż iddeċieda li jniedi dan ir-referendum wara li l-opinjoni tal-pubbliku kienet waħda […]