Fil-Jum Dinji tat-Tobba tal-Familja 2026, il-kliem ta’ Dr. Georgiana Farrugia Bonnici iwassal messaġġ qawwi dwar il-vera valur tal-professjoni medika.
F’messaġġ mimli riflessjoni u sinċerità, hija enfasizzat kif, “li tkun Speċjalista fil-Mediċina tal-Familja, mhuwiex dwar titli, ċerimonji jew dehriet pubbliċi, iżda huwa li tkun preżenti għall-pazjenti.”
F’din il-professjoni huma importanti l-kura tal-pazjent u l-preżenza konsistenti fil-ħajja tagħhom ta’ kuljum.
Dr. Farrugia Bonnici spjegat kif mhux kull kisba teħtieġ tifħir, u kif xi tragwardi jsiru aktar sinifikanti meta persuna tagħżel li tibqa’ fidila lejn il-valuri u l-prinċipji tagħha.
Hi kitbet li l-mediċina tal-familja għallmitha tisma’ aktar fil-fond, tibqa’ umli, tippersisti fis-skiet u tagħraf li l-karattru, l-integrità u l-awtentiċità huma ħafna aktar importanti mill-approvazzjoni tan-nies.
Fi tmiem il-messaġġ tagħha, hi rringrazzjat lill-pazjenti kollha li jafdawha fil-kura tagħhom, lill-familji li jħalluha takkumpanjahom matul stadji differenti tal-ħajja, kif ukoll lill-kollegi li taw sens lill-vjaġġ professjonali tagħha.
Il-messaġġ tagħha ġie magħluq bi kwotazzjoni magħrufa ta’ Coco Chanel: “Don’t spend time beating on a wall, hoping to transform it into a door… Beauty begins the moment you decide to be yourself.”
Dan il-ħsieb juri mhux biss il-professjonalità tagħha, iżda wkoll il-valur tal-awtentiċità fil-qasam tal-mediċina tal-familja.
Facebook/ ×Be Holistically Healthy, MD× By Dr. Georgiana Farrugia Bonnici
