Ixxerja

LESA ħarġet twissija pubblika dwar messaġġ scam li qed jintbagħat lil diversi persuni dwar allegati “multi tat-traffiku”.

L-awtorità spjegat li dan il-messaġġ huwa falz u għandu l-għan li jisraq informazzjoni personali jew flus mingħand min jirċevih.

Fil-messaġġ tagħhom, LESA appellaw biex il-pubbliku ma jagħfasx fuq il-ħolqa suspettuża, ma jweġibx bil-“1” u qatt ma jagħti dettalji personali jew bankarji.

L-awtorità nnutat ukoll li l-messaġġ scam oriġinali huwa itwal minn dak li jidher fir-ritratt li ppubblikaw huma fuq il-paġna. Huma fakkru li awtoritajiet uffiċjali qatt ma jibagħtu ħolqiet suspettużi minn numri barranin.

LESA fakkret li s-sit uffiċjali tagħha hu les.gov.mt u ħeġġet lil kull min jirċievi messaġġ bħal dan biex iħassru immedjatament u jirrapportah bħala spam.

Fl-aħħar tal-appell tagħha, LESA ħeġġet lill-pubbliku biex jaqsam din it-twissija sabiex aktar persuni jkunu konxji minn dan l-attentat ta’ frodi.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Appell Urġenti Għal Demm ‘O’ Positive Biex Ma Jitħassrux Operazzjonijiet U Trattamenti Tal-Onkoloġija

Emil Calleja Bayliss Illum

Ħareġ appell urġenti sabiex persuni bid-demm tat-tip ‘O’ Positive jersqu biex jagħtu d-demm, hekk kif hemm bżonn immedjat biex jiġu evitati tħassir ta’ operazzjonijiet u sabiex ikomplu jingħataw trattamenti importanti tal-onkoloġija. Fi stqarrija maħruġa mis-servizzi tal-għoti tad-demm, il-pubbliku ġie mħeġġeġ jagħti d-demm illum stess sabiex il-ħażna tad-demm tibqa’ biżżejjed għall-pazjenti li għandhom bżonnu b’urġenza. Iċ-ċentru […]