Ixxerja

Il-Kunsilliera tal-Birgu Rianne Cini sellmet il-memorja ta’ Brian Cassar b’messaġġ mill-qalb, fejn fakkret ir-rabta sabiħa li nħolqot bejniethom fiż-żmien li fih kellha l-opportunità tieħu ħsiebu bħala infermiera. "Brian, kif ħallejtna. Kelli l-isbaħ privileġġ li nieħu ħsiebek," kitbet Rianne, filwaqt li fakkret fil-ħafna daħk u praspar li kienu jaqsmu flimkien.

Hi żvelat ukoll kliem li Brian kien jgħidilha u li żgur se jibqa’ għal dejjem f’qalbha, "Int l-aqwa nurse, u tiġi int, nieħu ruħ." Ir-rabta bejniethom kompliet tikber meta Brian sar jaf li Rianne kienet mill-Birgu. Hi fakkret fil-ferħ tiegħu meta darba żejnitlu l-kamra bit-tema tar-Regatta, kif ukoll fid-daħk li kien ikun hemm bejniethom dwar il-festi. Rianne tirrakkonta kif malajr kien isibilha xi marċ ta’ San Lawrenz.

"Ma kontx biss sirt pazjent tiegħi imma kont sirt ħabib sinċier ukoll," kitbet il-Kunsilliera fit-tislima tagħha. Rianne temmet il-messaġġ tagħha billi talbet lil Brian biex issa jħares lill-għeżież tiegħu minn hemm fuq, b’mod speċjali lil uliedu u lill-familja kollha.

Kondoljanzi lill-familja u lill-qraba kollha ta’ Brian Cassar. Strieħ fis-sliem.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Sebastian Debono Jibdel Għeluq Sninu F’Att Ta’ Ġenerożità – Jinġabru €12,000 Għall-Fondazzjoni Richmond

Emil Calleja Bayliss Illum

Dak li seta’ kien sempliċiment festin ta’ għeluq snin inbidel f’okkażjoni ta’ solidarjetà u ġenerożità, hekk kif waqt iċ-ċelebrazzjoni ta’ għeluq snin Sebastian Debono, wieħed mid-Diretturi ta’ Maypole, inġabret is-somma sabiħa ta’ €12,000 b’risq il-Fondazzjoni Richmond.Qabel iċ-ċelebrazzjoni, Sebastian għamel talba speċjali lill-mistednin tiegħu, minflok rigali għal għeluq sninu, xtaq li jagħtu donazzjoni lill-Fondazzjoni Richmond u […]