Ixxerja

Il-Membru Parlamentari Adrian Delia qed jappella biex tingħata informazzjoni ċara dwar fejn se tiġi rilokata l-Għassa tal-Pulizija ta’ Birkirkara, hekk kif il-binja li tinsab fiha bħalissa reġgħet għaddiet għand is-sidien tagħha. F’post fuq il-mezzi soċjali, Delia qal li issa nħareġ ukoll permess mill-Awtorità tal-Ippjanar sabiex il-binja tinbidel f’boutique hotel.

Madankollu, skont Delia, għadu mhux magħruf fejn se tkun qed tiġi rilokata l-għassa ladarba ma tibqax topera mill-binja preżenti. Delia fakkar li Birkirkara hija waħda mill-akbar lokalitajiet f’Malta u saħaq fuq il-ħtieġa ta’ għassa li taqdi lir-residenti tagħha. Żied jgħid li s-servizz jintuża wkoll minn persuni minn lokalitajiet fil-qrib, fosthom Ħal Lija, Ħal Balzan u l-Iklin.

"Nappella li ningħataw serħan tal-moħħ minnufih," temm jgħid Delia, hekk kif talab għal aktar ċarezza dwar il-pjanijiet għall-għassa u fejn se tkun qed tkompli toffri s-servizzi tagħha.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Bil-Filmat: Mariella Pace Asciak Terġa’ Tkanta Mhux Jien Mamà – L-Udjenza Tingħaqad Tkanta Magħha

Emil Calleja Bayliss Illum

Kienet serata speċjali għal Mariella Pace Asciak hekk kif reġgħet sabet ruħha fuq il-palk biex tagħti l-ħajja mill-ġdid lil kanzunetta li żgur li ħafna għadhom jiftakru u jħobbu, Mhux Jien Mamà. Mariella qasmet dan il-mument mas-segwaċi tagħha wara li, bis-saħħa ta’ Shanna Woods u Steph Spiteri, ingħaqdet mal-Malta Children’s Choir waqt il-Lejla Maltija li ttellgħet […]