Ixxerja

Omm li sa ftit żmien ilu kienet qed tiġġieled il-kanċer tistqarr li l-ikbar biża’ tagħha ma kinitx mill-mewt iżda minn dak li kien se jħoss binha ta’ 7 snin jekk hi titlef il-ġlieda tagħha kontra l-kanċer.

“It-tifel kien għadu żgħir u ma ridtx li jikber jgħid li ommu mietet meta kellu 7 snin,” sostniet l-omm waqt il-maratona tal-Istrina li bħalissa tinsab fl-aħħar ftit sigħat tagħha.

Hi titkellem dwar kemm kien diffiċli għaliha l-mument meta skopriet li kellha kanċer u ssemmi kif minkejja kollox, kienet iżżomm lura milli tibki għall-ġid ta’ binha.

“It-tifel liz-zija tiegħu kien qalilha, ‘il-mummy dejjem tibki’… u minn dakinhar waqaft nibki,” tirrakkonta l-omm.

L-omm, li b’xorti tajba llum il-ġurnata rkuprat sew, tfaħħar bis-sħiħ il-ġid li tagħmel il-Malta Community Chest Fund u ssemmi kemm kien importanti għaliha l-għajnuna li ngħatat mingħandhom.

Hekk kif bħalissa l-maratona tal-Istrina tinsab fl-aħħar ftit sigħat tagħha, nħeġġu lil kulħadd sabiex jagħti l-għajnuna tiegħu!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Grazzja Minn Alla!” – L-Aħwa Li Tlieta Minnhom Saru Qassisin U L-Oħra Saret Soru

Cristian Tonna Ilbieraħ

Erba’ aħwa li tlieta minnhom saru qassisin filwaqt li l-oħra saret soru saħqu li għalihom din hija “grazzja minn Alla” u sostnew li jemmnu li kienet proprju l-importanza li l-ġenituri tagħhom dejjem taw lejn ir-reliġjon Kristjan li wassalhom sabiex jieħdu din id-deċiżjoni f’ħajjithom. L-erba’ aħwa jsemmu li meta kienu għadhom żgħar ommhom u missierhom ta’ […]