Illum Rebecca qed tiċċelebra għeluq sninha u ddeċidiet li tqatta’ l-jum mal-annimali. Hi għandha l-annimali ferm għal qalbha u ta’ spiss titkellem dwar dan is-suġġett u tipprova tgħin b’kull mezz li tista’. F’dan il-jum ta’ għeluq sninha, hi ddeċidiet li tqatta’ l-jum mal-annimali flimkien ma’ Mikel St John u l-ħabib tagħha Sinclair. Magħhom kellu jingħaqad Davide Tucci iżda ma setax ikun magħhom.
Mikel St John jemmen li dawn anġli jintbagħtu fuq l-art biex jassistu l-missjoni tiegħu ta’ salvataġġ ta’ qtates mitlufin u abbandunati … u għalih Rebecca Dimech u Sinclair Mifsud jaqblu perfettament ma’ din id-deskrizzjoni. “Rebecca Dimech iddeċidiet li tgħinna f’għeluq sninha għall-kuntrarju ta’ kull ħaġa oħra.”
“Anġlu sabiħ, minn ġewwa u minn barra tassew.” Għal għeluq sninha Rebecca għamlet għażla biex tgħin lilu u lis-sieħba tiegħu Jojo bil-missjoni ta’ salvataġġ tagħhom u qed tistaqsi lis-segwaċi tagħha u wkoll is-segwaċi tagħna ta’ Gwida.mt biex jgħinuha fl-appell tagħha. L-NGO tagħhom, Animal Protectors Malta hi rreġistrata VO/1208 u tiddependi solemment fuq donazzjonijiet.
Bis-sitwazzjoni tal-Covid, ma jistgħux jiġu organizzati l-ebda avvenimenti biex jinġabru fondi u b’hekk Rebecca Dimech għażlet li tiċċelebra għeluq sninha b’differenza. Flimkien ma’ Sinclair, żaret lil Mikels Cat haven li fih għandu madwar 80 qattus li kien abbandunat.
“Huma jitimgħu wkoll 110 strays oħra f’diversi kolonji, jikkurawhom… isalvawhom,” tgħid Rebecca. “Dan is-santwarju partikolari tal-qtates huwa qrib qalbi peress li naf kemm huma ġenwini Mikel u Jojo u meta ngħidlek li jgħixu biss biex jakkomodaw is-salvataġġi tagħhom, m’hemmx valutazzjoni isbaħ,” tistqarr Rebecca.
“Kull min jixtieq jagħmel għeluq snini speċjali, jekk jogħġbok agħti xi ħaġa li tista’… kull ftit jgħin. U jien personalment inkun grat lejn kull wieħed minnkom li għentu lill-ħbieb speċjali tiegħi Mikel u Jojo fil-kawża nobbli tagħhom u għamlu għeluq dejjem iktar speċjali.”
Ejja ħa ngħinuha!
Facebook / Rebecca Dimech
