Stefano D’Orazio, membru storiku tal-famuż grupp Taljan I Pooh, tilef ħajtu fl-età ta’ 72 sena kważa tal-Coronavirus. Għal għexieren ta’ snin hu kien id-drummer tal-grupp iżda kiteb ukoll xi kanzunetti.
Membru ta’ I Pooh, Dodi Battaglia, meta tħabbret it-telfa ta’ D’Orazio, qal li kienet devastanti li jsir jaf li “Stefano miet waħdu” f’sodda tal-isptar. “Hu ma kienx tajjeb, iżda ma deherx li kien daqshekk serju. Hu kien qed jiġi ttrattat fi sptar ġo Ruma. Jien kont qed nistenna aħbar dwar l-irkupru tiegħu iżda minflok sirt naf li kien miet. “
Stefano Orazio kien ingħaqad ma’ I Pooh fl-1971, u telaq mill-grupp fl-2009, iżda rritorna fl-2015 biex jieħu sehem fit-tour grandjuż li ċċelebra l-50 anniversarju tal-banda. D’Orazio żżewweġ lil Tiziana Giardo fl-2017, dakinhar li għalaq 70 sena. Huma ma kellhomx tfal.
Fuq il-midja soċjali, I Pooh qalu li tilfu lil ħuhom.
La Repubblica
