Flydubai ħabbru li se jibdew joperaw erba’ titjiriet fil-ġimgħa minn Dubai għal Malta minn Mejju li ġej! Il-linja tal-ajru hija bbażata f’Dubai se żżid lil Malta man-netwerk Ewropew tagħha mill-12 ta’ Mejju, b’titjira ta’ konnessjoni permezz ta’ Katanja fi Sqallija.
It-titjira se toffri rotta diretta għal nies li jivvjaġġaw lejn u minn Malta u Dubai għall-ewwel darba minn Lulju li għadda meta Emirates waqqfet it-titjiriet kollha lejn il-pajjiż u għalqet l-uffiċċju Malti tagħha.
“Il-konnettività hija ta’ importanza kbira għal rabtiet sodi bejn l-Istati; u bl-istess mod bejn Malta u l-UAE,” qalet l-ambaxxatriċi Maltija, Maria Camilleri Calleja.
“Aħna grati għall-flydubai talli ħabbar ir-rotta lejn Malta, u pprovdew opportunità biex irawmu u jsaħħu r-relazzjonijiet politiċi, kummerċjali u bejn in-nies bejn iż-żewġ pajjiżi tagħna,” qalet.
Minbarra Malta u Katanja, flydubai se jkun qed iżid Napli u Salzburg mad-destinazzjonijiet tiegħu.
